शक्ति समूहसंग नगरपालिका स्तरीय परियोजना सल्लाहकार समितिको बैठक

स्थानीय

गृहपृष्ठ
स्थानीय
शक्ति समूहसंग नगरपालिका स्तरीय परियोजना सल्लाहकार समितिको बैठक

शक्ति समूहसंग नगरपालिका स्तरीय परियोजना सल्लाहकार समितिको बैठक

शक्ति समूहद्वारा १५८ जनालाई पारिवारिक पुनर्मिलन

शुक्रबार, पुस १५, २०७९ बागेश्वरी पोस्ट

नेपालगञ्ज । नेपालगञ्जमा नगरपालिका स्तरीय परियोजना सल्लाहकार समिति बैठक सम्पन्न भएको छ । शक्ति समूहद्वारा संचालित परियोजनाबारे नेपालगञ्ज नगरपालिका स्तरीय परियोजना सल्लाहकार समितिसंग समिक्षा बैठक गरिएको हो ।

No description available.

नेपालगञ्जका नगर उपप्रमुख कमरुद्दिन राईको उपस्थितिमा सरोकारवालाबीच समिक्षा गरिएको हो । समिक्षामा परियोजनाले संचालन गरेको कार्यक्रमको लक्ष्य र त्यस अनुसार प्राप्त उपब्धिबारेमा प्रष्ट पारिएको थियो ।

शक्ति समूहले एक वर्षमा १६७ जनालाई सेवा दिएको जनाएको छ । जसमध्ये १५८ जनालाई परिवारसंग पुनर्मिलन गराइएको छ भने अझै ९ जनाले सेल्टरमा सेवा लिइरहेका शक्ति समूहकी लुम्बिनी प्रदेश संयोजक निर्मला पौडेलले बताइन् ।

उपमहानगरपालिकाका पाँच वटा बिद्यालयमा शैक्षिक सहयोग, कम्प्यूटर सहयोग, बिद्यालय छोडेकाहरुलाई पुनः बिद्यालय भर्ना, कानुनी विवादमा परेका बालिकाहरुलाई छुट्टै राख्न जिल्ला प्रहरी कार्यालय बाँके परिसरमा दुई कोठे भवन समेत निर्माण गरेको छ ।

No description available.

बैठकमा बोल्दै नगर उपप्रमुख राईले शक्ति समूहले राम्रो कार्य गर्दै आएको भन्दै निरन्तरताका लागि आग्रह गरे । उनले पीडितमैत्री बन्न तथा सहकार्य र सहयोगका लागि उपमहानगरपालिका सदैव तयार रहने पनि बताए ।

बैठकमा उपमहानगरपालिका सामाजिक विकास महाशाखा प्रमुख शोभा शाह, सामाजिक विकास अधिकृत कृष्णप्रसाद जोशी, महिला बालबालिका शाखाकी अधिकृत आशा शाही, नेपालगञ्ज उपमहानगरपालिकाका प्रेस सल्लाहकार नवीन गिरी लगायतको उपस्थिति रहेको थियो ।

शक्ति समूह बेचविखनबाट प्रभावित महिलाहरुको शक्तिको संगठनका रुपमा २०५४ सालमा स्थापित संस्था हो ।

प्रकाशित मिति: शुक्रबार, पुस १५, २०७९ ११:४९

प्रतिक्रिया दिनुहोस्