राप्तीसोनारी वडा नं ९ लाई सुरक्षित खानेपानीयुक्त समुदाय घोषणा

स्थानीय

गृहपृष्ठ
स्थानीय
राप्तीसोनारी वडा नं ९ लाई सुरक्षित खानेपानीयुक्त समुदाय घोषणा

राप्तीसोनारी वडा नं ९ लाई सुरक्षित खानेपानीयुक्त समुदाय घोषणा

शनिबार, पुस १६, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिका वडा नं ९ मा सुरक्षित खानेपानीयुक्त समुदाय घोषणा गरिएको छ । ढकेरी उद्द्यान खानेपानी तथा सरसफाई उपभोक्ता समितिको सेवा क्षेत्रभित्र रहेका ७ सय ८० घरमा सुरक्षित खानपानी पुगेको क्षेत्रलाई शुकवार सुरक्षित खानेपानीयुक्त समुदाय घोषणा गरिएको हो ।

राप्तीसोनारी गाउँपालिका अध्यक्ष तप्त बहादुर पौडेलले एक कार्यक्रमका बीच खानेपानीयुक्त समुदाय घोषणा गरेका थिए । सो अवसरमा पौडेलले ढकेरी उद्द्यान खानेपानी तथा सरसफाई उपभोक्ता समितिका अध्यक्ष लक्षीराम केसीलाई खानेपानीयुक्त समुदाय घोषणा प्रमाणपत्र प्रदान गरेका थिए ।

पौडेलले राप्तीसोनारी गाउँपालिका भित्रका केही वडाहरुमा सुरक्षित खानेपानीको समस्या रहेको बताउँदै गाउँपालिकाले खानेपानी तथा सरसफाई सम्बन्धि निमावली तयार पारेका बताए । खानेपानी विकासको पहिलो पूर्वाधार भएको बताउँदै उनले खानीपानीको समिति र ट्याङ्की निमार्ण गर्नु मात्रै ठुलो कुरा नभएर जनतालाई सुरक्षित खानेपानी पु¥याउनु काम महत्वपुर्ण भएको बताए ।

ढकेरी उद्द्यान खानेपानी तथा सरसफाई उपभोक्ता समितिको आयोजना युनिसेफ नेपाल र खानेपानी महासंघको सहकार्य र राप्तीसोनारी गाउँपालिकाको समन्वयमा भएको घोषणा कार्यक्रममा खानेपानी तथा सरसफाई डिभिजन कार्यालय नेपालगज बाँकेले समितिलाई स्वामित्व हस्तान्तरण गरेको थियो । खानेपानी तथा सरसफाई डिभिजन कार्यालय बाँकेका प्रमुख तिलक न्यौपानैले संस्थाका अध्यक्ष केसीलाई स्वामित्व प्रमाण हस्तान्तरण गरेका थिए ।

उपाध्यक्ष मनिषासिंह थारुले राप्तीसोनारीको वडा नं ९ ले सुरक्षित खानेपानीयुक्त समुदाय घोषणा गरेकोमा खुसी व्यक्त गर्दै यसलाई निरन्तरता दिनुपर्नेमा जोड दिइन् । वडा नं ८ का वडाध्यक्ष शालिकराम डाँगीले यस अघि वडा नं ८ मा पनि सुरक्षित खानेपानीयुक्त समुदाय घोषणा गरिसकेको बताउँदै समुदाय स्तरमा सरसफाई र खानेपानीका विषयमा निरन्तरता दिनुपर्नेमा जोड दिए ।

त्यस्तै वडा नं ९ का वडाध्यक्ष सोहनलाल थारुले वडा र पालिकालाई सुरक्षित खानेपानीयुक्त घोषणा गर्ने कार्यतालिका अनुसार समितिले आवश्यक मापदण्ड पूरा गरिसकेकोले समुदायलाइ सुरक्षित खानेपानीयुक्त घोषणा गरिएको गरिएको बताए ।

खानेपानी महासंघ बाँकेका अध्यक्ष भद्र प्रसाद देवकोटाले खानेपानी महासंघ र युनिसेफको सहकार्यमा वडा, पालिका र जिल्ला खानेपानीयुक्त घोषणा गर्ने कार्यक्रमलाई अगाडि बढाइएको बताए । कार्यक्रमा पन्चैबाजा, थारु नृत्य लगायतका विविध सांस्कृतिक प्रस्तुति रहेका थिए । समितिका अध्यक्ष केसीको सभापतित्वमा भएको कार्यक्रममा विभिन्न संघसंस्थाका प्रतिनिधिहरु, राजनीतिक दलका प्रतिनिधिहरु, सामुसदायिक वनका प्रतिनिधिहरु, शिक्षक, विद्यार्थी,सर्वसाधारण लगायतको सहभागिता रहेको थियो ।

प्रकाशित मिति: शनिबार, पुस १६, २०७९ १०:३४

प्रतिक्रिया दिनुहोस्