धुम्म नेपालगञ्ज: कष्टकर जनजीवन

स्थानीय

गृहपृष्ठ
स्थानीय
धुम्म नेपालगञ्ज: कष्टकर जनजीवन

धुम्म नेपालगञ्ज: कष्टकर जनजीवन

मंगलबार, पुस १९, २०७९ बागेश्वरी पोस्ट

नेपालगञ्ज । नेपालगञ्ज आज धुम्म छ । दिनदिनै बढ्दै गएको चिसोले अप्ठ्यारो बनाएको जनजीवनमा बाक्लो कुहिरो र हुस्सुले झन कष्ट थपेको छ । मौसम नखुल्दा जाडो बढिरहेको छ। भिजिबिलिटी घटिरहेको छ ।

चिसो बढेसँगै अस्पतालहरुमा रुघाखोकी र श्वासप्रश्वासका बिरामी बढेका छन् । भेरी अस्पताल नेपालगञ्जमा विरामीको चाप बढेको फिजिसियन एवम् अस्पतालका सूचना अधिकारी डा. संकेत रिसालले बताए । भिजिविलिटी घट्दा राँझा विमानस्थलबाट हुने उडानहरु अनियमिति भइरहेका छन् । बाक्लो कुहिरो लागेको समयमा त उडान अवतरण हुन सकेको छैन ।

चिसोले निम्न वर्गका परिवार, बालबालिका, दीर्घ रोगी, मजदुर, ज्येष्ठ नागरिक लगायतलाई अत्यधिक समस्या भएको छ । चिसोबाट जोगिनका लागि मान्छेहरू सडक छेउँछाउँ, घर लगायत विभिन्न ठाउँमा आगो तापिरहेका देखिन्छन् । घाम नलाग्दा दिनहुँ तापक्रम घट्दै गएको छ ।

आगामी तीन दिन अत्यधिक चिसो बढ्ने, सावधानी अपनाउन विज्ञको आग्रह