जय बागेश्वरी असहाय बाल संरक्षण केन्द्रको बार्षिक उत्सब तथा साधारणसभा सम्पन्न

स्थानीय

गृहपृष्ठ
स्थानीय
जय बागेश्वरी असहाय बाल संरक्षण केन्द्रको बार्षिक उत्सब तथा साधारणसभा सम्पन्न

जय बागेश्वरी असहाय बाल संरक्षण केन्द्रको बार्षिक उत्सब तथा साधारणसभा सम्पन्न

शुक्रबार, पुस २२, २०७९ बागेश्वरी पोस्ट

राप्तीसोनारी (बाँके) । राप्तीसोनारी ५ विनौनास्थित जय बागेश्वरी असहाय बाल संरक्षण केन्द्रको दोस्रो बार्षिक उत्सब तथा साधारणसभा आज सम्पन्न भएको छ ।

केन्द्रकी अध्यक्ष तारा वलीको सभापतित्व एवम् लुम्बिनी प्रदेशसभा सदस्य कृष्णा केसी नमुनाको प्रमुख आतिथ्यतामा सम्पन्न बार्षिक उत्सब तथा साधारणसभामा बोल्ने बक्ताहरुले असहाय बालबालिकाहरुलाई उचित संरक्षकत्व र अभिभावकत्व प्रदान गर्दै उत्कृष्ट मानव सेवा गरिरहेको भन्दै प्रशंसा गरेका छन् ।

No description available.

प्रदेशसभा सदस्य नमुनाले केन्द्रको भवन निर्माण लगायत बालबालिकाहरुको बृत्ति विकासमा सहयोग गर्ने प्रतिबद्धता जनाइन् । उनले यसअघि पनि प्रदेश सभामार्फत असहाय केन्द्रलाई पाँच लाख सहयोग गरेकी थिइन् । विशिष्ट अतिथि नरैनापुर गाउँपालिकाका अध्यक्ष इस्तियाक अहमद शाह र राप्तीसोनारी गाउँपालिकाकी उपाध्यक्ष मनिषासिंह थारुले पूण्य कर्म गरिरहेको असहाय केन्द्रलाई सक्दो सहयोग गर्ने प्रतिबद्धता जनाए ।

कार्यक्रममा वडा नम्बर ५ की वडा सदस्य कमला विक, वडा नम्बर ६ का निवर्तमान अध्यक्ष जनकबहादुर थारु, बेसकी केन्द्रीय सदस्य संगिता थारु, कांग्रेस युवा नेतृ नमिता रावत, विभिन्न पार्टीका प्रतिनिधि, प्रहरी, स्थानीय लगायतको उपस्थिति थियो ।

त्यस अवसरमा बासले असहाय केन्द्रमा आश्रय लिइरहेका १० जना बालबालिकाहरुलाई न्यानो कपडा र टोपी वितरण गरेको थियो । बासका निर्देशक नमस्कार शाह, अध्यक्ष लुना बुढाथोकी, उपाध्यक्ष शिवकुमार बर्माले न्यानो कपडा र टोपी वितरण गरेका थिए ।

जय बागेश्वरी असहाय बाल संरक्षण केन्द्रले १० जना असहायक बालबालिकालाई आश्रय दिनुका साथै उनीहरुको पठनपाठनमा सहयोग गरिरहेको छ ।

No description available.