पिछडा बर्गको थर खोज्दै जानकीमा समावेशी आयोग

स्थानीय

गृहपृष्ठ
स्थानीय
पिछडा बर्गको थर खोज्दै जानकीमा समावेशी आयोग

पिछडा बर्गको थर खोज्दै जानकीमा समावेशी आयोग

मंगलबार, पुस २६, २०७९ बागेश्वरी पोस्ट

जानकी (बाँके) । पिछडा बर्गभित्रका थरहरुको सूचीकरण गर्ने उद्देश्यले राष्ट्रिय समावेशी आयोगले स्थलगत अध्ययन थालेको छ । पिछडा बर्गलाई संविधानले सम्बोधन गरेको तर त्यसभित्रका विभिन्न थर र उनीहरुको विस्तृत विवरण खोजी गर्नुपर्ने देखिएकाले स्थलगत अध्ययन थालेको आयोगले जनाएको छ । जानकी गाउँपालिका आइपुगेको आयोगको टोलीले आज पिछडा बर्गकोे अध्ययन अनुगमन तथा सूचीकरण सम्बन्धि अन्तरक्रिया कार्यक्रम गरेको छ ।

जानकी गाउँपालिकाको समन्वयमा राष्ट्रिय समावेशी आयोगले आज गाउँ कार्यपालिकाको कार्यालयमा आयोजना गरेको अन्तरक्रियामा राष्ट्रिय समावेशी आयोगका सदस्य पुष्पराज तिमिल्सिनाले पिछडा वर्ग भनेर मात्र संविधानमा उल्लेख भएको तर पिछडा वर्गका कति थर छन्, कति जात छन्, कहाँ कहाँ वसोवास गरेका छन् भनेर विस्तृतरुपमा नआएकाले आयोगले स्थलगत अध्ययन र अनुगमन गरी पिछडा बर्गका विभिन्न थरहरुको सूचीकरण गर्ने बताए । नेपाल सरकारले दिने गरेको आरक्षण कोटा मध्ये पिछडा वर्गले पनि आरक्षण पाउनुपर्ने अवस्था रहेको तिमिल्सिनाले बताए ।

गाउँपालिका अध्यक्ष छब्बन खाँले राष्ट्रिय समावेशी आयोगले पिछडा वर्गका लागि ल्याएको कार्यक्रम एकदमै सह्रानीय भएको भन्दै नजानेका र नबुझेकाहरुले यस्तो कार्यक्रमबाट अझ बुझ्ने अवसर पाउने बताए । कार्यक्रममा पालिकाका उपाध्यक्ष रामप्यारी यादव, वडा अध्यक्ष सदस्य, कार्यपालिका सदस्य तथा स्थानीय पिछडा वर्गहरुको उपस्थिति रहेको थियो ।

प्रकाशित मिति: मंगलबार, पुस २६, २०७९ १८:२०

प्रतिक्रिया दिनुहोस्