'बजेट प्रक्रियामा नागरिक सहभागिता कार्यक्रम' नेपालगञ्जका १० वडामा

स्थानीय

गृहपृष्ठ
स्थानीय
'बजेट प्रक्रियामा नागरिक सहभागिता कार्यक्रम' नेपालगञ्जका १० वडामा

'बजेट प्रक्रियामा नागरिक सहभागिता कार्यक्रम' नेपालगञ्जका १० वडामा

मंगलबार, पुस २६, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकामा सार्वजनिक वित्त व्यवस्थापनमा नागरिक सहभागिता कार्यक्रम सञ्चालनमा छ । युरोपियन युनियन, युनिसेफ, युएन विमेनको सहयोग एवम् मित्र समाज र डेक्को नेपालको संयुक्त संयोजकत्वमा सञ्चालित यस कार्यक्रमको प्रभावकारी कार्यान्वयनबारे आज अभिमुखीकरण गरिएको छ ।

नगर प्रमुख प्रशान्त विष्ट, उपप्रमुख कमरुद्दिन राई लगायत वडा अध्यक्ष, सदस्य र कार्यपालिका सदस्यहरुको उपस्थितिमा आजोजित सार्वजनिक वित्त व्यवस्थापनमा नागरिक सहभागिता सम्बन्धि पालिका स्तरीय अभिमुखीकरण कार्यक्रममा मित्र समाजका टिम लिडर विनय दिल लामाले कार्यक्रमको उद्देश्यबारे प्रकाश पारेका थिए । बजेट योजना, कार्यान्वयन र अनुगमन प्रक्रियामा नागरिकहरुको अर्थपूर्ण सहभागिताले सार्वजनिक सेवाहरुमा पहुँच सुनिश्चित गराउन सकिने बताउँदै उनले यसले सामाजिक ऐक्यवद्धता र सुशासन प्रबद्र्धन गर्ने बताए ।

यो कार्यक्रमका लागि आजै नेपालगञ्जका १० वटा वडा छनौट गरिएको छ । वडा नम्बर २, ६, ९, ११, १४, १५, १६, २०, २१ र २२ यो कार्यक्रमका लागि छनौट भएको अनुप बर्मा जानकारी दिए । यस कार्यक्रममार्फत अपांगता भएका, सीमान्तकृत, महिला, बालिबालिका, जेष्ठ नागरिक, विपन्न बर्गलाई विशेष अभिमुखीकरण गरेर अर्थपूर्ण सहभागिता सुनिश्चित गरिनेछ । कार्यक्रम अन्तर्गत वडा स्तरीय वाच ग्रुप अभिमुखीकरण, निर्माण र संस्थागत गर्ने, वडा स्तरीय महिला समूह छलफल, विपन्न बर्गहरुको छलफल, जेष्ठ नागरिक छलफल, सार्वजनिक वित्त व्यवस्थापन सम्बन्धि शिक्षा कार्यक्रम लगायतका क्रियाकलापहरु सञ्चालन गरिने मित्र समाजका टिम लिडर लामाले जानकारी दिए ।

अभिमुखीकरण कार्यक्रममा नगर प्रमुख विष्टले बजेट निर्माण र कार्यान्वयनमा नागरिकको अर्थपूर्ण उपस्थिति र सहभागिताले विकासमा अपनत्वसंगै त्यसको लाभ ग्रहणमा जिम्मेवार बनाउने बताए । उनले दिगो विकासका लागि बजेट निर्माण र कार्यान्वयनमा नागरिक सहभागिता महत्वपूर्ण हुने बताए । सार्वजनिक वित्त व्यवस्थापनमा नागरिक सहभागिता कार्यक्रम यही बर्षदेखि नेपालगञ्जसहित देशका पाँच वटा नगरपालिकामा सञ्चालित छ ।

प्रकाशित मिति: मंगलबार, पुस २६, २०७९ २०:२८

प्रतिक्रिया दिनुहोस्