धनगढीमा दुई समुहबिचको झडपमा अस्पताल तोडफोड

समाचार

गृहपृष्ठ
समाचार
धनगढीमा दुई समुहबिचको झडपमा अस्पताल तोडफोड

धनगढीमा दुई समुहबिचको झडपमा अस्पताल तोडफोड

बिहीबार, माघ २, २०७६ बागेश्वरी पोस्ट

धनगढी । धनगढीमा दुई समुहका युवाहरु बिच झडप भएको छ। झडपमा अस्पताल समेत तोडफोड भएको छ।

गएराती साढे १० बजे धनगढी उपमहानगरपालिका वडा नम्वर १ अस्पताल लाईनमा युवाहरुको दुई समूहबिच झडप भएको हो। युवाहरुको एक समूहले धनगढी उपमहानगरपालिका वडा नम्वर १ अदालत रोडका समिर तियालीमाथी सांघातिक आक्रमण गरेपछि झडप भएको हो।

आक्रमणपछि गम्भीर घाइते तियालीलाई कोहलपुर रेफर गरेको जिल्ला प्रहरी कार्यालय कैलालीले जानकारी दिएको छ। प्रहरीका अनुसार आक्रमणमा संलग्न दुई जनालाई राती नै पक्राउ गरिएको छ। पक्राउ पर्नेमा धनगढी उपमहानगरपालिका वडा नम्वर ५ बस्ने २२ बर्षीय चन्द्र भाट र २१ बर्षीय शुभम शाह रहेको प्रहरी नायब उपरीक्षक बस्नेते बताए।

झडपका क्रममा धनगढीको मुख्य सडकमै रहेको कैलाली अस्पतालमा पनि तोडफोड भएको छ। अस्पतालका सञ्चालक जनकराज जोशीले झडपकै क्रममा ढुङगामुडा गरेपछि अस्पतालमा पनि क्षती भएको बताए। घटनामा संग्लन थप २ जनाको खोजी भईरहेको प्रहरीले जानकारी दिएको छ।

प्रकाशित मिति: बिहीबार, माघ २, २०७६ ०९:१५

प्रतिक्रिया दिनुहोस्