स्कुटर दुर्घटना हुँदा ३ जनाको मृत्यु

सुरक्षा-अपराध

गृहपृष्ठ
सुरक्षा-अपराध
स्कुटर दुर्घटना हुँदा ३ जनाको मृत्यु

स्कुटर दुर्घटना हुँदा ३ जनाको मृत्यु

शुक्रबार, पुस २९, २०७९ बागेश्वरी पोस्ट

नेपालगन्ज । स्कुटर दुर्घटना हुँदा मकवानपुरको ज्यामिरेमा ३ जनाको मृत्यु भएको छ । गएराति करिब पौने ११ बजेको समयमा मकवानपुरको मनहरी गाउँपालिका वडा नं ९ को ज्यामिरेस्थित भलादमी चोकमा स्कुटर दुर्घटना ३ जनाको मृत्यु भएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार मृत्यु हुनेमा मनहरी गाउँपालिका वडा नं ८ सिमपानीका अन्दाजी ३० वर्षीय धर्मराज मोक्तान, मिलन मोक्तान र राक्सिराङ गाउँपालिकावडा नं ३ लावतीका रुपेश तामाङ छन् ।

गम्भीर अवस्थामा रहेका उनीहरु मध्ये मिलन मोक्तान र रुपेश तामाङलाई अस्पताल पुर्याउना साथ गएराति सवा १२ बजे र धर्मराज मोक्तानको आज बिहान साढे ३ बजे मृत्यु भएको प्रहरीले जानकारी दिएको छ ।

स्थानीयहरुका अनुसार उनीहरु सवार स्कुटरलाई अर्को गाडीले ठक्कर दिएर दुर्घटना गराएको बताएका छन् । ठक्कर दिएको गाडीलाई यथाशीघ्र पत्ता लगाई नियन्त्रणमा लिन भन्दै स्थानीयहरुले आज बिहान साढे ६ बजेसम्म बाटो बन्द गरेका थिए । प्रहरीले तत्काल ठक्कर दिने गाडीलाई पत्ता लगाई आबश्यक कारबाही गर्ने वचन दिएपछि सडक खुलाइएको प्रहरीले जनाएको छ ।

प्रकाशित मिति: शुक्रबार, पुस २९, २०७९ ०९:३४