युएईमा १६ जना नेपाली कामदार बोकेको बस दुर्घटना,५ जनाको मृत्यु

विश्व

गृहपृष्ठ
विश्व
युएईमा १६ जना नेपाली कामदार बोकेको बस दुर्घटना,५ जनाको मृत्यु

युएईमा १६ जना नेपाली कामदार बोकेको बस दुर्घटना,५ जनाको मृत्यु

बिहीबार, माघ २, २०७६ बागेश्वरी पोस्ट

null

युएई । युएईमा नेपाली कामदार बोकेको बस दुर्घटना भएको छ। दुर्घटनामा परेको बसमा १६ जना नेपाली कामदार रहेको बताइएको छ। उक्त दुर्घटनामा ५ जनाको मृत्यु भएको छ ।

मृतकको पहिचान खुल्न सकेको छैन् ।उक्त दुर्घटनामा नेपाली कामदारको पनि मृत्यु भएको हुनसक्ने आबुधाबीस्थित नेपाली दूतावासले जानकारी दिएको छ । बसमा २४ जना सवार थिए , जसमा नेपाली १६ जना र अन्य श्रीलंका र अफ्रिकि मुुलुकका महिला कामदार रहेको दूतावासले जानकारी दिएको छ । बसमा सवार सबै जना सरसफाइ सम्बन्धी काम गर्ने एमबीएम कम्पनीका कामदार हुन् ।

नेपाली राजदूतावासका कर्मचारीहरु कामदारको अवस्था र विवरण संकलन गर्न घाइतेको उपचार भइरहेको अस्पतालमा पुगेको दूतावासका श्रमकाउन्सुलर भेषबहादुर कार्कीले बताए । घाइतेहरुको आबुधाबीको विभिन्न अस्पतालमा उपचार भइरहेको छ । दुर्घट्नामा परेका नेपाली कामदारको अवस्था बुझ्न दूतावासबाट राजदूत कृष्णप्रसाद ढकाल, उपनियोग प्रमुख रीता धिताल श्रमकाउन्सुल र भेषबहादुर कार्की र जनसम्पर्क अधिकारी ९पीआरओ० उनीहरु उपचाररत अस्पताल पुगेका छन् ।

मफरक अस्पतालमा उपचाररत नेपालीलाई भेटेर राजदूत कृष्णप्रसाद ढकालले स्वास्थ्यलाभको कामना गरेका छन् । कम्पनीले समेत उपचाररमा समन्वय गरिरहेको उनले जानकारी दिए । घाइतेमध्ये ५ जना नेपालीको आबुधाबी खलिफा सिटीमा रहेको एनएमसी अस्पतालमा उपचार भइरहेको छ । अन्यको मफरक र अल रहा अस्पतालमा उपचार भइरहेको कम्पनीले जनाएको छ ।अनलाइन खबरबाट।

प्रकाशित मिति: बिहीबार, माघ २, २०७६ १६:५१