जानकीका ४८ जना किसानलाई स्प्रे टंकी वितरण

स्थानीय

गृहपृष्ठ
स्थानीय
जानकीका ४८ जना किसानलाई स्प्रे टंकी वितरण

जानकीका ४८ जना किसानलाई स्प्रे टंकी वितरण

आइतबार, माघ ८, २०७९ बागेश्वरी पोस्ट

जानकी (बाँके) । जानकीका किसानलाई स्प्रे टंकी वितरण गरिएको छ । वडा नम्बर ५ को कार्यालय बेलहरीले आज ४८ जना किसानलाई स्प्रे टंकी वितरण गरेको हो ।

कृषि कर्म गरिरहेका व्यक्तिहरुलाई विषादी छर्किन सहज होस् भन्ने उद्देश्यले १६ लिटर क्षमताका स्प्रे टंकी वितरण गरिएको वडा अध्यक्ष टिकानाथ यादवले बताए । गाउँपालिका अध्यक्ष छब्बन खाँ, गाउँपालिकाका प्रबक्ता एवम् वडा नम्बर ५ का वडा अध्यक्ष यादव, वडा नम्बर २ का वडा अध्यक्ष चन्द्रिकाप्रसाद गुप्ता, जिल्ला समन्वय समिति सदस्य जुल्फीकार मनिहार, गाउँ कार्यपालिका सदस्य कान्ति काँदु, सामाजिक शाखा संयोजक रामआँचल धोवी, गाउँपालिका अध्यक्षका स्वकीय सचिव शोहराव दर्जी लगायतले स्प्रे टंकी वितरण गरेका हुन् ।

No description available.

स्प्रे टंकी वितरण कार्यक्रममा बोल्दै गाउँपालिका अध्यक्ष खाँले जानकीलाई कृषि हबका रुपमा विकास गर्न व्यवसायिक र आधुनिक कृषि प्रणालीलाई अबलम्बन गर्ने गरी अगाडि बढ्ने बताए । पालिकाका अन्य वडामा पनि स्प्रे टंकी वितरण गर्ने कार्यलाई निरन्तरता दिइने खाँको भनाई छ । प्रमुख प्रशासकीय अधिकृत सिंहराज डाँगीले जानकीलाई कृषि पकेट क्षेत्रका रुपमा विकास गर्न ठोस कार्ययोजनाका साथ विशेष परियोजना सञ्चालन गर्ने तयारीमा रहेको बताए ।

वडा नम्बर ५ का वडा अध्यक्ष यादव स्प्रे टंकीको सही सदुपयोग गर्न आग्रह गरे । स्प्रे टंकी पाएपछि किसानहरु हर्षित भएका छन् । स्प्रे टंकी पाएका एक जना किसान हमिद हलवाईले वडा कार्यालयले आफूहरुको सहजताका लागि स्प्रे टंकी प्रदान गरेको भन्दै खुसी व्यक्त गरे । उनले यसको सही सदुपयोग गर्ने बताए ।

प्रकाशित मिति: आइतबार, माघ ८, २०७९ २०:४२

प्रतिक्रिया दिनुहोस्