जानकी गाउँपालिका वडा नम्बर ६ मा 'छोरी सशक्तिकरण' तालिम सुरु

स्थानीय

गृहपृष्ठ
स्थानीय
जानकी गाउँपालिका वडा नम्बर ६ मा 'छोरी सशक्तिकरण' तालिम सुरु

जानकी गाउँपालिका वडा नम्बर ६ मा 'छोरी सशक्तिकरण' तालिम सुरु

बुधबार, माघ ११, २०७९ बागेश्वरी पोस्ट

जानकी (बाँके) । बाँकेको जानकी गाउँपालिका वडा नम्बर ६ मा आजदेखि छोरी सशक्तिकरण तालिम सुरु भएको छ । पाँच दिने तालिमको गाउँपालिका अध्यक्ष छब्बन खाँले उद्घाटन गरे । तालिमको उद्घाटन गर्दै अध्यक्ष खाँले छोरीहरुको शिक्षा, बृत्ति विकास र उत्थानका लागि आफूले विशेष ध्यान दिएर छोरी लक्षित विभिन्न कार्यक्रमहरु सञ्चालन गरेको बताए ।

वडा नम्बर ६ का वडा अध्यक्ष जगदिशप्रसाद हरिजनको अध्यक्षता एवम् पालिका अध्यक्ष खाँको प्रमुख आतिथ्यतामा तालिम उद्घाटन कार्यक्रम सम्पन्न भएको हो । उद्घाटन कार्यक्रममा गाउँपालिकाका प्रबक्ता एवम् वडा नम्बर ५ का वडा अध्यक्ष टिकानाथ यादव, कार्यपालिका सदस्य रामआँचल धोवी र अध्यक्ष खाँका स्वकीय सचिव सोहराव ईद्रिसीको उपस्थिति रहेको थियो ।

वडा नम्बर ६ को कार्यालय गनापुरको सहयोग र महिला सहयोगी केन्द्र बाँकेको आयोजनामा भएको तालिममा २८ जना प्रशिक्षार्थी सहभागी छन् । तालिमको प्रशिक्षकमा शंकरप्रसाद खनाल र निरज न्यौपाने छन् । महिला सहयोगी केन्द्रकी अध्यक्ष माया थापा रानाले छोरीहरुलाई सशक्त र आत्मनिर्भर बनाई समाजको मूल प्रवाहमा ल्याउन तालिमको आयोजना गरिएको बताइन् ।

No description available.