वडा अध्यक्ष आलेद्वारा आफ्नो तलव भत्ताबाट विपन्न विद्यार्थीलाई शैक्षिक सामग्री प्रदान

स्थानीय

गृहपृष्ठ
स्थानीय
वडा अध्यक्ष आलेद्वारा आफ्नो तलव भत्ताबाट विपन्न विद्यार्थीलाई शैक्षिक सामग्री प्रदान

वडा अध्यक्ष आलेद्वारा आफ्नो तलव भत्ताबाट विपन्न विद्यार्थीलाई शैक्षिक सामग्री प्रदान

शुक्रबार, माघ १३, २०७९ बागेश्वरी पोस्ट

कोहलपुर । कोहलपुर नगरपालिका वडा नं १४ का वडा अध्यक्ष नमबहादुर आलेले आफ्नो तलव भत्ता विपन्न विद्यार्थीको शैक्षिक सामग्रीमा खर्चिएका छन् ।

कोहलपुर नगरपालिकाका प्रवक्ता समेत रहेका आलेले आफ्नो तलव भत्ताबाट सिर्जना बाल प्राविका गरिव तथा विपन्न समुदायका विद्यार्थीको पठनपाठनमा सहज होस् भन्ने हेतुले शैक्षिक सामग्री प्रदान गरेका हुन् । ‘निम्न आयस्तर भएका बालबालिकालाई पठनपाठनमा सहज होस् भन्ने उद्देश्यले कपीहरु सहयोग गरेको हुँ,' उनले भने– ‘मैले वडा अध्यक्ष हुँदा प्राप्त गर्ने सुविधा यसैगरी गरिव तथा विपन्न समुदायको हितमा खर्चिन्छु ।’

वडा अध्यक्ष आलेले सम्पूर्ण बालबालिकालाई आफैं उपस्थित भएर शैक्षिक सामग्री प्रदान गरेको विद्यालय व्यवस्थापन समितिका अध्यक्ष सुनिता चन्दले बताइन् । उक्त विद्यालयमा १ सय २८ जना बालबालिका अध्ययनरत छन् । यो विद्यालयका अधिकांश बालबालिका निम्न आयस्तर भएका परिवारका रहेको विद्यालयका प्रधानाध्यापक कल्पना वलीले जानकारी दिइन् । वडा अध्यक्षमा निर्वाचित भए लगत्तै उनले आफूले प्राप्त गर्ने सरकारी तलव भत्ता गरिव तथा विपन्न समुदायको हितमा खर्चिने घोषणा गरेका थिए ।

प्रकाशित मिति: शुक्रबार, माघ १३, २०७९ १९:३७

प्रतिक्रिया दिनुहोस्