आधुनिक पेस्तोलसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
आधुनिक पेस्तोलसहित दुई जना पक्राउ

आधुनिक पेस्तोलसहित दुई जना पक्राउ

शनिबार, माघ १४, २०७९ बागेश्वरी पोस्ट

नेपालगन्ज । अत्याधुनिक पेस्तोलसहित प्रहरीले २ जनालाई पक्राउ गरेको छ । पक्राउ परेका दुबै जनालाई आज पत्रकार सम्मेलन गरेर प्रहरीले सार्वजनिक गरेको छ ।

अवैध हतियारसहित २ जना आउन लागेको भन्ने गोप्य सूचनाको आधारमा धनुषाको मिथिला नगरपालिकास्थित नक्टाझिझ विश्वकर्मा चोकमा पेस्तोलसहित स्थानीय २६ वर्षीय रोशन महतो र ३६ वर्षीय शंकर महतोलाई माघ १२ गते बिहीवार राती धनुषा प्रहरीले पक्राउ गरेको हो ।

माघ १२ गते राती पक्राउ परेका उनीहरुको साथबाट एउटा अटोमेटिक पेस्तोल, पेस्तोलमा लोड गरिएको म्याग्जिन १ थान र म्याग्जिनमा लोड गरिएको २ थान गोली बरामद गरेको जिल्ला प्रहरी कार्यालय धनुषाले जनाएको छ ।

उनीहरु पक्राउ परेको स्थान सीमा नाका नजिक भएकाले के कति कारण पेस्तोल कहाँ लैजादै थिए भन्ने बारेमा थप अनुसन्धान भइरहेको प्रहरीले जनाएको छ । साथै उनीहरुलाई म्याद थप गरि हातहतियार तथा खरखजाना मुद्दा अगाडि बढाइएको प्रहरी जानकारी दिएको छ ।

प्रकाशित मिति: शनिबार, माघ १४, २०७९ १७:०९