ललितपुरको ग्वार्कोमा कार र ट्याक्सी ठोक्किँदा २ जनाको मृत्यु

समाचार

गृहपृष्ठ
समाचार
ललितपुरको ग्वार्कोमा कार र ट्याक्सी ठोक्किँदा २ जनाको मृत्यु

ललितपुरको ग्वार्कोमा कार र ट्याक्सी ठोक्किँदा २ जनाको मृत्यु

सोमबार, माघ १६, २०७९ बागेश्वरी पोस्ट

नेपालगन्ज । ललितपुरको ग्वार्कोमा कार र ट्याक्सी एक आपसमा ठोक्किँदा २ जनाको मृत्यु भएको छ।

गएराति साढे १२ बजे बिएन्डबी अस्पताल अगाडिको ओरालोमा बा २ ज ३४२० नम्बरको ट्याक्सी र बा ४ च १ नम्बरको कार ठोक्किदा २ जनाको मृत्यु भएको जिल्ला प्रहरी परिसर ललितपुरले जानकारी दिएको छ।

दुर्घटनामा ट्याक्सीमा सवार १ जना र कारमा सवार १ जनाको मृत्यु भएको हो। ट्याक्सीमा ६ जना सवार थिए भने कारमा दुई जना सवार रहेको प्रहरीले जनाएको छ। उनीहरुको उपचारका क्रममा बिएन्डबी अस्पतालमा मृत्यु भएको हो।

दुर्घटनामा परि सुनसरी घर भई ललितपुर महानगरपालिका ताल्छिखेल बस्ने ट्याक्सी सवार ४७ वर्षीय सरोजकुमार विक र कारमा सवार चितवन घर भई टोखा नगरपालिका ७ ग्रीनल्यान्ड बस्ने प्रकाश आचार्यको मृत्यु भएको प्रहरीले जानकारी दिएको छ। दुर्घटनामा अन्य ६ जनालाई सामान्य चोट लागेको प्रहरीले बताएको छ।

प्रकाशित मिति: सोमबार, माघ १६, २०७९ १२:११

प्रतिक्रिया दिनुहोस्