मालपोत कार्यालयमा सेवाग्राहीसँग बार्गेनिङ गर्ने ८ जना पक्राउ

सुरक्षा-अपराध

गृहपृष्ठ
सुरक्षा-अपराध
मालपोत कार्यालयमा सेवाग्राहीसँग बार्गेनिङ गर्ने ८ जना पक्राउ

मालपोत कार्यालयमा सेवाग्राहीसँग बार्गेनिङ गर्ने ८ जना पक्राउ

सोमबार, माघ १६, २०७९ बागेश्वरी पोस्ट

नेपालगन्ज । प्रहरीले मालपोत कार्यालयबाट सेवाग्राहीलाई अनावश्यक तरिकाले दु:ख दिएको आरोपमा ८ जनालाई पक्राउ गरेको छ ।

सेवाग्राहीलाई अनावश्यक तवरले दु:ख दिएको भन्दै प्रहरीले वीरगन्जको मालपोत कार्यालयमा दीपककुमार पटेल, सन्तोषकुमार राउत, राजकुमार साह, सुशीलकुमार साह, शुभनारायण महतो कोइरी, धमेन्द्रकुमार सहनी, सञ्जय चौहान र हरिओम गुप्तालाई पक्राउ गरेको जनाएको छ ।

मालपोत कार्यालयमा आएका सेवाग्राहीहरूलाई त्यहाँको काम छिटो गराइदिने भन्दै फाइल बोकेर भित्र बाहिर गर्ने, प्रचलित कानून विपरीत अत्याधिक सेवा शुल्क लिने तथा सेवाग्राहीलाई अनावश्यक बार्गेनिङ गरेको गुनासो आए पश्चात् उनीहरुलाई पक्राउ गरेको जिल्ला प्रहरी कार्यालय पर्साले जानकारी दिएको छ ।

पक्राउ परेकाविरुद्ध प्रहरीले विभिन्न कसुरमा थप अनुसन्धान भइरहेको जानकारी दिएको छ ।

प्रकाशित मिति: सोमबार, माघ १६, २०७९ १४:०१