भारतमा प्रहरी सहायक निरीक्षकले गरे स्वास्थ्यमन्त्रीको हत्या

विश्व

गृहपृष्ठ
विश्व
भारतमा प्रहरी सहायक निरीक्षकले गरे स्वास्थ्यमन्त्रीको हत्या

भारतमा प्रहरी सहायक निरीक्षकले गरे स्वास्थ्यमन्त्रीको हत्या

सोमबार, माघ १६, २०७९ बागेश्वरी पोस्ट

फोटो: पिटिआई

नेपालगन्ज । एक जना प्रहरी सहायक निरीक्षकले भारतको ओडिशाका स्वास्थ्यमन्त्री नवकिशोर दासको गोली हानी हत्या गरेका छन् ।

आइतबार दिउँसो ब्रजराजनगरको एक कार्यक्रमलाई सम्बोधन गर्न गाडीबाट झर्ने क्रममा स्वास्थ्यमन्त्री दासलाई प्रहरी सहायक निरीक्षक गोपाल दासले गोली प्रहार गरेका थिए ।

स्वास्थ्य मन्त्री दासलाई गम्भीर अवस्थामा भुवनेश्वरस्थित एपोलो अस्पताल लगिए पनि उपचारका क्रममा उनको मृत्यु भएको अन्तर्राष्ट्रिय समाचार एजेन्सीले जनाएका छन् ।

गोली हानेर स्वास्थ्य मन्त्रीको हत्या गर्ने प्रहरी दासलाई पक्राउ गरी ओडिशा अपराध महाशाखाका विशेष अनुसन्धान टोलीका डीएसपी रमेश सी डोराको कमाण्डको टोलीले अनुसन्धान गरिरहेको जनाइएको छ ।

नवकिशोर दास लगातार तेस्रो पटक विधायकमा निर्वाचित भएका थिए ।

प्रकाशित मिति: सोमबार, माघ १६, २०७९ १५:३७