सिंहदरबारमा अबदेखि भाडाका गाडीले प्रवेश गर्न पाउने

समाचार

गृहपृष्ठ
समाचार
सिंहदरबारमा अबदेखि भाडाका गाडीले प्रवेश गर्न पाउने

सिंहदरबारमा अबदेखि भाडाका गाडीले प्रवेश गर्न पाउने

मंगलबार, माघ १७, २०७९ बागेश्वरी पोस्ट

नेपालगन्ज । सरकारले प्रमुख प्रशासनिक केन्द्र सिंहदरबारमा भाडाका सवारी साधनलाई प्रवेशको व्यवस्था मिलाएको छ।

अपांग र अशक्त नागरिकलाई सहज रूपमा सिंहदरबार प्रवेशका लागि उक्त व्यवस्था मिलाइएको श्रम, रोजगार तथा सामाजिक सुरक्षामन्त्री डोलप्रसाद अर्यालले जानकारी दिए।

यसअघि सरकारी, निजी, कूटनीतिक र पर्यटक सवारी साधन निर्वाध रूपमा सिंहदरबारमा प्रवेश पाउँदै आएका छन्। सरकारले सुरक्षा संवेदनशीलतालाई ध्यान दिँदै भाडाका गाडीलाई सिंहदरबार प्रवेशमा रोक लगाउँदै आएको छ।

'गृह मन्त्रालयसँग समन्वय गरेर भोलिदेखि अपांग र अशक्त नागरिकलाई सहज रूपमा सिंहदरबार प्रवेश गर्न सहजीकरण गर्ने उद्देश्यले सो व्यवस्था गरिएको हो' मन्त्री अर्यालले भने।

अपांग र अशक्त नागरिकलाई राज्यले उपलब्ध गराएको परिचयपत्रका आधारमा सुरक्षाकर्मीले उनीहरू सवार भाडाका गाडीलाई सहज रूपमा सिंहदरबार प्रवेश गराउने उनले बताए। रासस।

प्रकाशित मिति: मंगलबार, माघ १७, २०७९ १९:२०

प्रतिक्रिया दिनुहोस्