धनुषा थुनुवा फरार प्रकरण: थप २ पक्राउ

सुरक्षा-अपराध

गृहपृष्ठ
सुरक्षा-अपराध
धनुषा थुनुवा फरार प्रकरण: थप २ पक्राउ

धनुषा थुनुवा फरार प्रकरण: थप २ पक्राउ

बाँकीको खोजी कार्य जारी

बुधबार, माघ १८, २०७९ बागेश्वरी पोस्ट

नेपालगन्ज । धनुषामा प्रहरी हिरासत फोडेर फरार भएका मध्ये थप २ जना थुनुवा पक्राउ परेका छन् । सोमबार बिहान ३ बजे इलाका प्रहरी कार्यालय सखुवा महेन्द्रनगरको हिरासत फोडेर भागेका ६ मध्ये १ जना थुनुवा सोमबार साँझ नै पक्राउ परिसकेका थिए ।

फरार भएका थुनुवा मध्ये अभद्र व्यवहार तथा शान्ति सुरक्षाविरुद्धको मुद्दाका मिथिला नगरपालिका २ का २५ वर्षीय हरिदिप सिंहलाई गए राति र अमित मण्डल लाई मंगलबार दिउँसो पक्राउ गरेको जिल्ला प्रहरी कार्यालय धनुषाले जनाएको छ । सोमबार साँझ नै पक्राउ पर्नेमा हातहतियार खरखजाना मुद्दाका मिथिला नगरपालिका ६ का रोशकुमार महतो रहेका छन् ।

फरार भएका बाँकी ३ जनाको खोजी कार्य जारी रहेको जिल्ला प्रहरी कार्यालय धनुषाले जनाएको छ । जिल्ला प्रहरी कार्यालय धनुषा र मधेश प्रदेश प्रहरी कार्यालय जनकपुरबाट खटिएको संयुक्त सर्च अपरेशन चलाई खोज तलास जारी राखेको प्रहरीको भनाइ छ । उक्त हिरासत फोडेर थुनुवा फरार प्रकरणमा त्यहाँका १ जना प्रहरी सहायक निरीक्षकसहित ३ जना निलम्बनमा परिसकेका छन् ।

प्रकाशित मिति: बुधबार, माघ १८, २०७९ १०:२८

प्रतिक्रिया दिनुहोस्