५ वर्ष अघि जाजरकोटमा श्रीमानको हत्या गरी शौचालयमा गाडेको रहस्य पर्दाफास

सुरक्षा-अपराध

गृहपृष्ठ
सुरक्षा-अपराध
५ वर्ष अघि जाजरकोटमा श्रीमानको हत्या गरी शौचालयमा गाडेको रहस्य पर्दाफास

५ वर्ष अघि जाजरकोटमा श्रीमानको हत्या गरी शौचालयमा गाडेको रहस्य पर्दाफास

बुधबार, माघ १८, २०७९ बागेश्वरी पोस्ट

नेपालगन्ज । जाजरकोटमा ५ वर्षअघि श्रीमतीले श्रीमानको हत्या गरी शौचालयको खाडलमा पुरेको घटनाको रहस्य पर्दाफास भएको छ । भेरी नगरपालिका ६ की भद्रकला कामीले लाठी प्रहार गरेर आफ्नै श्रीमान काले कामीलाई हत्या गरेको ५ वर्षपछि घटना सार्वजानिक भएको हो ।

२०७४ पुस ३० गते सिस्नेकी भद्रकला कामीले लाठ्ठी प्रहार गर्दा उनका श्रीमान ४७ वर्षीया काले कामीको मृत्यु भएको प्रहरीले जनाएको छ । भद्रकला कामी र उनका छोराहरू गोविन्द विक, तुल्सीराम विकले शव घर नजिकै शौचालयमा पुरिदिएको प्रहरीले जनाएको छ ।

जाजरकोट प्रहरीले अनुसन्धान बढाउँदा काले कामीको शव शौचालयमा पुरिएको अवस्थामा भेट्टाएको जाजकोटका डिएसपी सन्तोष निरौलाले बताए । उनका अनुसार शव शौचालयको खाडलमा पुरेको गोप्य सूचनाका आधारमा मंगलबार जाजरकोट प्रहरीले घटनास्थलमा पुगेको थियो ।

जिल्ला प्रहरी कार्यालय जाजरकोटबाट अनुसन्धान अधिकृतसहितको प्रहरी टोली घटना स्थलमा पुगेर शौचालयको खाडल उत्खनन गर्दा काले कामीको शव भेटिएको थियो ।

काले कामीको पूरै दाँतसहितको खप्पर (टाउको), प्लास्टिकको डोरीले बाँधिएको ज्याकेट, पाइन्ट र सोही ज्याकेट पाइन्ट भित्र मानव कङ्गाल हड्डीहरू फेला परेको छ । भद्रकला र उनका छोरा तुल्सीराम विकलाई जिल्ला प्रहरी कार्यालयमा ल्याएर कर्तव्य ज्यान मुद्दामा अनुसन्धान अगाडि बढाइरहेको प्रहरीले जनाएको छ ।

प्रकाशित मिति: बुधबार, माघ १८, २०७९ १६:५३