धनुषा थुनुवा फरार प्रकरण:हिरासत फोड्ने मुख्य योजनाकार शर्मा पक्राउ

सुरक्षा-अपराध

गृहपृष्ठ
सुरक्षा-अपराध
धनुषा थुनुवा फरार प्रकरण:हिरासत फोड्ने मुख्य योजनाकार शर्मा पक्राउ

धनुषा थुनुवा फरार प्रकरण:हिरासत फोड्ने मुख्य योजनाकार शर्मा पक्राउ

बिहीबार, माघ १९, २०७९ बागेश्वरी पोस्ट

नेपालगन्ज । सोमबार बिहान धनुषामा प्रहरी हिरासत फोडेर फरार भएका मध्ये थप १ जना थुनुवा पक्राउ परेका छन् ।

धनुषाको इलाका प्रहरी कार्यालय सखुवा महेन्द्रनगरको हिरासत फोडेर भागेका ६ मध्ये यसअघि ३ जना पक्राउ परिसकेका थिए भने गए राति १ बजे लागूऔषध मुद्दामा पक्राउ परेर फरार रहेका थुनुवा धनुषा क्षिरेश्वरनाथ नगरपालिका ५ का ३५ वर्षीय विनोदकुमार शर्मा पक्राउ परेका हुन् । शर्मालाई मिथिला नगरपालिका १० रातु खोलाको बगरमा लुकेर बसेको अवस्थामा पक्राउ गरिएको जिल्ला प्रहरी कार्यालय धनुषाले जनाएको छ ।

फरार भएका थुनुवा मध्ये मिथिला नगरपालिका २ का २५ वर्षीय हरिदिप सिंह ,अमित मण्डल र मिथिला नगरपालिका ६ का रोशकुमार महतोलाई प्रहरीले पक्राउ गरिसकेको छ भने अन्य २ जना फरार छन् । फरार रहेका अन्य २ जनाको खोजी कार्य जारी रहेको प्रहरीले बताएको छ । प्रहरीको अनुसन्धानबाट हिरासत फोडेर भाग्ने योजना बनाउने योजनाकार शर्मा रहेको पाइएको छ ।

उक्त हिरासत फोडेर थुनुवा फरार प्रकरणमा त्यहाँका १ जना प्रहरी सहायक निरीक्षकसहित ३ जना निलम्बनमा परिसकेका छन् । उक्त प्रहरी कार्यालयमा कार्यरत इन्स्पेक्टरसहित सबै प्रहरीलाई जिल्ला तानिसकेका छन् ।

प्रकाशित मिति: बिहीबार, माघ १९, २०७९ ११:५७