समात्न आएको प्रहरी टोलीमाथि फरार अभियुक्तको चक्कु प्रहार, सहायक हवल्दार घाइते

सुरक्षा-अपराध

गृहपृष्ठ
सुरक्षा-अपराध
समात्न आएको प्रहरी टोलीमाथि फरार अभियुक्तको चक्कु प्रहार, सहायक हवल्दार घाइते

समात्न आएको प्रहरी टोलीमाथि फरार अभियुक्तको चक्कु प्रहार, सहायक हवल्दार घाइते

बिहीबार, माघ १९, २०७९ बागेश्वरी पोस्ट

नेपालगन्ज । डाँका चोरी र ज्यान मुद्दाका फरार अभियुक्तहरुले पक्राउ गर्न आएको प्रहरी टोलीलाई चक्कुले आक्रमण गर्दा प्रहरी सहायक हवल्दार घाइते भएका छन् ।

रौतहटको गौर नगरपालिका २ स्थित लालबकैया खोलापारीको केरा घारीमा २ जना फरार अभियुक्त लुकेर बसेको सुचना पाएर पक्राउ गर्न गएको प्रहरीको टोलीमाथि चक्कु प्रहार भएको हो ।

डाँका चोरी र ज्यान मार्ने उद्योग मुद्दाका गौर नगरपालिका वडा नं ५ कोइरीटोल बस्ने १९ वर्षीय राहुल यादव र गौर नगरपालिका वडा नं ४ बस्ने १९ वर्षीय रवि यादवलाई बुधबार दिउँसो पक्राउ गर्न गएको प्रहरीको टोलीलाई उनीहरुले चक्कु प्रहार गर्दा प्रहरी सहायक हवल्दार सुरेश यादव घाइते भएका हुन् । उनको उपचार भइरहेको छ ।

प्रहरीले पेस्तोलबाट हवाइफायर गर्दै सहायक हवल्दार यादवलाई चक्कु प्रहार गर्ने राहुललाई पक्राउ गर्न सफल भएको थियो भने त्यसबेला प्रहरीलाई चक्मा दिदै त्यहाँबाट भागेका अर्का अभियुक्त रविलाई प्रहरीले आज बिहान नियन्त्रणमा लिएको जिल्ला प्रहरी कार्यालय रौतहटले जानकारी दिएको छ । पक्राउ परेका दुवै जनासँग थप अनुसन्धान भइरहेको प्रहरीले जनाएको छ ।

प्रकाशित मिति: बिहीबार, माघ १९, २०७९ १५:५९