नयाँ बानेश्वरमा छोरीको घाँटी रेटिएको र बाबु झुण्डिएको अवस्थामा मृत भेटिए

सुरक्षा-अपराध

गृहपृष्ठ
सुरक्षा-अपराध
नयाँ बानेश्वरमा छोरीको घाँटी रेटिएको र बाबु झुण्डिएको अवस्थामा मृत भेटिए

नयाँ बानेश्वरमा छोरीको घाँटी रेटिएको र बाबु झुण्डिएको अवस्थामा मृत भेटिए

आइतबार, माघ २२, २०७९ बागेश्वरी पोस्ट

नेपालगन्ज । काठमाडौंको नयाँ बानेश्वरमा बाबु र छोरीको शव फेला परेको छ । शनिबार साँझ मृत भेटिनेमा रामेछापको खाँडादेवी स्थायी घर भई काठमाडौंमा फार्मेसी सञ्चालन गर्दै आएका ४२ वर्षीय किशोर भण्डारी र उनकी सात वर्षीया छोरी रहेको महानगरीय प्रहरी परिसर काठमाडौंले जनाएको छ ।

छोरीको घाँटी रेटेर हत्या भएको अवस्थामा र किशोर झुण्डिएको अवस्थामा भेटिएकाले किशोरले नै छोरीको हत्यापछि आत्महत्या गरेको प्रहरीको प्रारम्भिक निष्कर्ष छ । उनी पुरानो बानेश्वरस्थित टंकप्रसाद मार्गमा बस्दै आएका थिए ।

महानगरीय प्रहरी परिसर काठमाडौंका अनुसार उक्त घरमा भित्रैबाट बन्‍द गरिएको थियो । श्रीमती बाहिर गएकी थिइन् ।

मृतककी श्रीमती घर फर्किएपछि श्रीमान शौचालयमा झुन्डिएको र ७ वर्षीया छोरीको घाँटीमा धारिलो हतियार प्रहार गरिएको अवस्थामा मृत फेला परेका हुन् । प्रहरीले घटनाबारे अनुसन्धान सुरु गरेको जनाएको छ ।

प्रकाशित मिति: आइतबार, माघ २२, २०७९ ०१:५१

प्रतिक्रिया दिनुहोस्