नेपाल राष्ट्र बैंकका पहिलो गभर्नर राणाको निधन

समाचार

गृहपृष्ठ
समाचार
नेपाल राष्ट्र बैंकका पहिलो गभर्नर राणाको निधन

नेपाल राष्ट्र बैंकका पहिलो गभर्नर राणाको निधन

आइतबार, माघ २२, २०७९ बागेश्वरी पोस्ट

नेपालगन्ज । नेपाल राष्ट्र बैंकका पहिलो गभर्नर हिमालय शम्शेर राणाको आज बिहान निधन भएको छ । थापाथलीस्थित नर्भिक अस्पतालमा उपचारका क्रममा बिहान निमोनियका कारण ९५ वर्षको उमेरमा उनको निधन भएको पारिवारिक स्रोतले जनाएको छ ।

लामो समयदेखि स्वासप्रश्वासको समस्या झेल्दै आएका राणा उपचारका लागि केही दिन अघि त्यहाँ भर्ना भएका थिए ।

हिमालय बैंकका संस्थापक राणा नेपालको पहिलो अर्थसचिव समेत थिए । पछिल्लो समय उनी नागरिक समाजको अगुवाका साथै आमनिर्वाचन पर्यवेक्षक समितिका संस्थापकका रूपमा क्रियाशील थिए ।

उनको आजै पशुपति आर्यघाटमा दाहसंस्कार गरिनेछ । उनका दुई छोरा र दुई छोरी छन् । यसैबीच नेपाली कांग्रेसका सा‌ंसद एवं केन्द्रीय सदस्य विनोद चौधरीले राणाको निधनप्रति दुःख व्यक्त गरेका छन् ।

प्रकाशित मिति: आइतबार, माघ २२, २०७९ ०९:४५

प्रतिक्रिया दिनुहोस्