बागेश्वरी मन्दिरमा आज दोस्रोपटक 'महाआरती'

स्थानीय

गृहपृष्ठ
स्थानीय
बागेश्वरी मन्दिरमा आज दोस्रोपटक 'महाआरती'

बागेश्वरी मन्दिरमा आज दोस्रोपटक 'महाआरती'

अब प्रत्येक सोमबार साँझ 'महाआरती' गरिने

सोमबार, माघ २३, २०७९ बागेश्वरी पोस्ट

नेपालगञ्ज । नेपालगञ्जस्थित बागेश्वरी मन्दिरमा आज दोस्रोपटक 'महाआरती' गरिएको छ ।

नाट्टा बाँके च्याप्टर नेपालगञ्ज र वेष्टर्न ट्राभेल मार्ट नेपालको आयोजना एवम् नेपालगञ्ज उपमहानगरपालिका र बागेश्वरी मन्दिर गुठी व्यवस्थापन समितिको सहकार्यमा 'महाआरती' गरिएको हो । आजको 'महाआरती'मा नेपालगञ्जका नगर प्रमुख प्रशान्त विष्ट र उनकी धर्मपत्नी रेखा विष्ट प्रमुख कर्ताका रुपमा थिए । सर्वसाधारणको उल्लेख्य उपस्थितिमा गरिएको 'महाआरती' उल्लासपूर्ण देखिएको थियो ।

May be an image of 7 people, people standing, fire and outdoors

नगर प्रमुख विष्टले बागेश्वरी मन्दिरमा अब प्रत्येक सोमबार 'महाआरती' गर्ने गरी नेपालगञ्ज उपमहानगरपालिकाले सहयोग गर्ने बताए । उनले 'महाआरती'लाई नियमितरुपमा सञ्चालन गर्न आफू प्रतिबद्ध रहेको बताए । नाट्टा अध्यक्ष श्रीराम सिग्देलले 'महाआरती'लाई नियमित गर्न सरोकारवाला सबै पक्षको इमान्दार सहयोग रहने विश्वास व्यक्त गरे । उनले धार्मिक पर्यटन प्रवर्द्धनमा यसले ठूलो सहयोग पुग्ने बताए ।

पश्चिम नेपालको प्रसिद्ध शक्तिपीठ बागेश्वरी मन्दिरमा पहिलोपटक नेपालगञ्ज उपमहानगरपालिकाको सहयोगमा माघ १५ गते 'महाआरती' गरिएको थियो । नेपालगञ्जमा आयोजित दोस्रो वेष्टर्न ट्राभल मार्टका बेला पहिलो 'महाआरती' गरिएको थियो ।

May be an image of 1 person, walking, standing, crowd and outdoors May be an image of 13 people, people standing, people sitting and outdoors May be an image of 7 people, people standing, people sitting and outdoors May be an image of 8 people, people standing, people sitting and outdoors May be an image of one or more people, people sitting, people standing and outdoors