कैलाली कारागारमा चप्पल भित्र ब्राउन सुगर पुर्याएको आरोपमा एक जना पक्राउ

समाचार

गृहपृष्ठ
समाचार
कैलाली कारागारमा चप्पल भित्र ब्राउन सुगर पुर्याएको आरोपमा एक जना पक्राउ

कैलाली कारागारमा चप्पल भित्र ब्राउन सुगर पुर्याएको आरोपमा एक जना पक्राउ

शनिबार, माघ ४, २०७६ बागेश्वरी पोस्ट

धनगढी । कैलाली कारागारभित्र चप्पलमा ब्राउन सुगर पुर्याउने एक जना पक्राउ परेका छन् ।

कारागार भित्र रहेका आफ्ना कैदी साथीलाई चप्पल भित्र ब्राउन सुगर पुर्याएको आरोपमा धनगढी उपमहानगरपालिका वडा नम्बर ८ का शिवनगरका बसन्त खत्री पक्राउ परेका छन्।

खत्रीले लागु औषधको मुद्दामा पुर्पक्षका लागि जेल चलान भएका कैलालीको टीकापुरका निराजन शाहलाई ब्राउन सुगर पुर्याएको आरोपमा पक्राउ परेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले बताए ।

खत्रीले कारागार भित्र रहेका शाहका लागि चप्पल र फलफुल छोडेर गएका थिए । प्रहरीले चप्पल चेकजाँचका क्रममा चप्पल काटेर हेर्दा त्यसभित्र राखेको ब्राउन सुगर फेला पारेको हो । खत्रीमाथि लागुऔषध ओसारपोसारको मुद्दा चलाईने बताईएको छ ।

प्रकाशित मिति: शनिबार, माघ ४, २०७६ ०८:३५

प्रतिक्रिया दिनुहोस्