कोहलपुर नगर प्रहरीको एक्सनः जथाभावी फोहोर फाल्नेलाई जरिवाना

स्थानीय

गृहपृष्ठ
स्थानीय
कोहलपुर नगर प्रहरीको एक्सनः जथाभावी फोहोर फाल्नेलाई जरिवाना

कोहलपुर नगर प्रहरीको एक्सनः जथाभावी फोहोर फाल्नेलाई जरिवाना

बिहीबार, माघ २६, २०७९ बागेश्वरी पोस्ट

कोहलपुर । कोहलपुर नगरपालिकाले तोकिएका स्थान बाहेक अन्य ठाउँमा फोहोर फाल्नेलाई कारबाही सुरु गरेको छ ।

कोहलपुर नगरपालिका ११ स्थित रेडक्रस चोक पछाडि सडक छेउँमा फोहोर फाल्ने क्रममा नमस्ते मिटअप पसलका प्रकाश पोखरेललाई कारबाही गरिएको नगर प्रहरी प्रमुख बीरबहादुर थापाले जानकारी दिए । पोखरेलले भे.५ प. ४६८१ नम्बरको स्कुटीमा फोहोर ल्याई सडक छेउँमा फाल्दै गरेको अवस्थामा नगर प्रहरीको गस्ती टोलीले पक्राउ गरेको थियो । पोखरेललाई फोहोर मैला तथा व्यवस्थापन ऐन २०६८ अनुसार ५ हजार जरिवाना गरिएको छ ।

कोहलपुर नगरपालिकाले सार्वजनिक स्थानमा फोहोर फाल्न निषेध गरेको छ । त्यसका लागि नगर प्रहरीले गस्ती समेत गर्दै आएको छ । यसअघि कोहलपुर नगरपालिकाले जथाभावी फोहोर नफाल्न सूचना तथा माइकिङ नै गर्दै आएको थियो । तर, नगरपालिकाको आग्रहलाई अटेरी गरी सडक तथा सार्वजनिक स्थानमा फोहोर फाल्नेलाई कारबाहीको दायरामा ल्याउन थालिएको नगर प्रहरी प्रमुख थापाले बताए । कोहलपुर नगरपालिकाले नगर क्षेत्रलाई सफा तथा सुन्दर बनाउन फोहोरमुक्त अभियान सुरु गरेको छ । नगर प्रहरीले यसअघि बसपार्क, पर्यटन बोर्ड कार्यालय, एनसिसिएन क्षेत्रको फोहोर आफैं सफाई गरेको थियो ।

प्रकाशित मिति: बिहीबार, माघ २६, २०७९ १८:०४

प्रतिक्रिया दिनुहोस्