टर्की भूकम्पमा अहिलेसम्म २० हजार बढीको मृत्यु

विश्व

गृहपृष्ठ
विश्व
टर्की भूकम्पमा अहिलेसम्म २० हजार बढीको मृत्यु

टर्की भूकम्पमा अहिलेसम्म २० हजार बढीको मृत्यु

भग्नावशेषमा पुरिएका जीवित भेट्ने आशा क्षीण हुँदै

शुक्रबार, माघ २७, २०७९ बागेश्वरी पोस्ट

नेपालगन्ज । टर्की र सिरियामा सोमबार बिहान गएको ७.८ रेक्टरको शक्तिशाली भूकम्पबाट अहिलेसम्म मृतकको संख्या २० हजार नाघेको छ । भूकम्पमा परी भग्नावशेषमा पुरिएका मानिसहरूलाई जीवित भेट्ने आशा क्षीण हुँदै गएको अधिकारीहरूले जनाएका छन् । अझै थुप्रै पुरिएको शंका गरिएको छ ।

भूकम्पले मध्यपूर्वका चार देश टर्किए, सिरिया, लेबनान र इजरायललाई हल्लाएको थियो । लेबनान र इजरायलमा भूकम्पको धक्का महसुस गरिए पनि कुनै क्षति भएन ।

भूकम्पका कारण टर्की र सिरिया ठुलो क्षती भएको अन्तर्राष्ट्रिय समाचार संस्था सिएनएनले जनाएको छ । सिएनएनका अनुसार अहिलेसम्म टर्कीमा १७ हजार ६ जनाको मृत्यु भएको पुष्टि भएको छ ।

यस्तै सिरियामा कम्तीमा ३ हजार ३७७ जनाको मृत्यु भएको छ । दुबै देशका गरि घाइतेको संख्या ७० हजारको हाराहारीमा रहेको जनाइएको छ ।

भूकम्पका कारण अझै धेरैको ज्यान गएको हुन सक्ने अनुमान गरिएको छ । स्थानीय समय अनुसार सोमबार बिहान ४:१७ मा गाजियनटेप सहर नजिक १७.९ किलोमिटर (११ माइल) गहिराईमा ७.८ रेक्टर स्केलको भूकम्प गएको अमेरिकी भौगर्भिक सर्वेक्षणले जनाएको छ । त्यस क्षेत्रमा ठुलो संख्यामा उद्दार टोली परिचालन गरिएको छ । क्षतिको विवरण आउन क्रम जारी नै छ ।

प्रकाशित मिति: शुक्रबार, माघ २७, २०७९ ०९:३७