घुस मागेको आरोपमा त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बनमा

सुरक्षा-अपराध

गृहपृष्ठ
सुरक्षा-अपराध
घुस मागेको आरोपमा त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बनमा

घुस मागेको आरोपमा त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बनमा

शुक्रबार, माघ २७, २०७९ बागेश्वरी पोस्ट

नेपालगन्ज । एयरलाइन्सका कर्मचारीबाट घुस रकम माग गरेका त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरलाई निलम्बन गरिएको छ ।

नेपाल नागरिक उड्डयन प्राधिकरणले बिगत २ वर्षदेखि त्रिभुवन अन्तर्राष्ट्रिय विमानस्थलका महाप्रबन्धक रहेका ठाकुरलाई थाई स्माइल एयरलाइन्सका प्रतिनिधिसँग गैरकानुनी लाभ लिने उद्देश्यका साथ गरिएको कुराकानीको अडियोको घुस काण्डका आधारमा निलम्बन गरेको हो ।

एयरलाइन्सका कर्मचारीसँग घुस मागेको कुराकानीको अडियो प्राप्त भएपछि संस्कृति, पर्यटन तथा नागरिक उड्डयन उड्डयन मन्त्रालयले ठाकुरलाई निलम्बन गर्न प्राधिकरणलाई निर्देशन दिएको हो ।

घुस प्रकरणबारे अनुसन्धान गर्न महाप्रबन्धक ठाकुरलाई निलम्बन गर्दै यस बारेमा अख्तियार दुरुपयोग अनुसन्धान आयोगमा समेत पत्राचार गरिने मन्त्रालयले जनाएको छ ।

प्रकाशित मिति: शुक्रबार, माघ २७, २०७९ १२:५०

प्रतिक्रिया दिनुहोस्