कोहलपुर नगरपालिकाले लोकसेवा तयारी कक्षा सञ्चालन गर्दै

स्थानीय

गृहपृष्ठ
स्थानीय
कोहलपुर नगरपालिकाले लोकसेवा तयारी कक्षा सञ्चालन गर्दै

कोहलपुर नगरपालिकाले लोकसेवा तयारी कक्षा सञ्चालन गर्दै

आइतबार, माघ २९, २०७९ बागेश्वरी पोस्ट

नेपालगन्ज । कोहलपुर नगरपालिकाले लोकसेवा तयारी कक्षा सञ्चालन गर्ने भएको छ । स्वीकृत कार्यक्रम अनुसार कोहलपुरले आगामी फागुन १ गतेदेखि सहायक स्तर पाँचौ तहको परीक्षाका लागि तयारी कक्षा सञ्चालन गर्ने भएको हो ।

१२ कक्षा उत्तीर्ण भएकालाई लोकसेवा आयोगको तयारी कक्षा सञ्चालन गर्न लागिएको कोहलपुर नगरपालिकाकी उपप्रमुख संगिता सुवेदीले बताइन् । लोकसेवा अध्ययन गरिरहेकाहरूलाई थप सजिलो गराउन र उत्साह प्रदान गर्न लोकसेवाको तयारी कक्षा सञ्चालन गर्न लागिएको पौडेलको भनाई छ ।

कोहलपुरका धेरै युवायुवतीहरूले लोकसेवा आयोग अध्ययन गरिराख्नुभएको छ,’ उनले भनिन्, ‘उहाँहरूको प्रयासलाई नगरपालिकाले पनि सहयोगका लागि लोकसेवा तयारी कक्षा सुरु गरेको हो ।’

नगरकै दक्ष जनशक्ति भए यहाँको विकास निर्माण, सुशासन र सेवा प्रवाहमा सहयोग पुग्ने अपेक्षा नगरपालिकाले गरेको छ । नगरको उक्त कार्यको लोकसेवा तयारी गरिरहेकाहरू खुशी भएका छन् ।

यसमा दलित, महिला, स्थानीय र आर्थिकरुपमा विपन्नता भएकालाई प्राथमिकतामा राखिएको नगरपालिकाले जनाएको छ । कोहलपुरका सबै वडालाई यसमा सहभागी बनाइने उपप्रमुख सुवेदीले बताइन् ।

प्रकाशित मिति: आइतबार, माघ २९, २०७९ १७:०७

प्रतिक्रिया दिनुहोस्