सोमबार साँझको बालाजु घटनापछि डीएसपी रविन विष्टको सरुवा

सुरक्षा-अपराध

गृहपृष्ठ
सुरक्षा-अपराध
सोमबार साँझको बालाजु घटनापछि डीएसपी रविन विष्टको सरुवा

सोमबार साँझको बालाजु घटनापछि डीएसपी रविन विष्टको सरुवा

मंगलबार, फागुन २, २०७९ बागेश्वरी पोस्ट

नेपालगन्ज । प्रहरी बृत्त बालाजुका डीएसपी रविन विष्ट उपत्यका प्रहरीमा तानिएका छन् ।

सोमबार साँझ बालाजुको माछापोखरी र नयाँ बसपार्कमा भएको आगजनी र तोडफोडमा उचित सुरक्षा व्यवस्था गर्न नसकेको भन्दै बालाजु वृत्तका डीएसपी विष्टलाई उपत्यका प्रहरी कार्यालय तानिएको हो ।

बालाजु क्षेत्रमा सोमबार भएको आगजनी र लुटपाटको घटनामा डीएसपी विष्टले उचित सुरक्षा प्रबन्ध गर्न नसकेको भन्दै प्रहरी उपत्यका प्रहरी कार्यालयले तानेको हो । त्यहाँ आन्दोलनकारीले प्रहरीका २ वटा भ्यान र एउटा प्रहरी बिटमा आगजनी गरेका थिए ।

उनको स्थानमा त्रिभुवन अन्तर्राष्ट्रिय विमानस्थल काठमाडौंमा रहेका डीएसपी मनोजित कुँवरलाई पठाइएको छ । सोमबार आन्दोलनरत यातायात मजदूरहरुले प्रहरीको दुईवटा भ्यान र अस्थायी प्रहरी बिट जलाएका थिए ।

त्यस्तै ल्होल्से मलमासमेत तोडफेड गरेका थिए । उनीहरुले आफूहरुको माग पूरा नभएसम्म आन्दोलन जारी राख्ने चेतावनी दिँदै आजबाट उपत्यकामा सार्वजनिक यातायात नचलाउने घाषणा गरेका भए पनि यातायात मन्त्रालयमा भएको वार्तामा सहमति बनेपछि सार्वजनिक यातायात सञ्चालन गर्दैछन् ।

प्रकाशित मिति: मंगलबार, फागुन २, २०७९ १५:४६

प्रतिक्रिया दिनुहोस्