भारतका चार पुर्व सेना प्रमुख काठमाडौंमा

सुरक्षा-अपराध

गृहपृष्ठ
सुरक्षा-अपराध
भारतका चार पुर्व सेना प्रमुख काठमाडौंमा

भारतका चार पुर्व सेना प्रमुख काठमाडौंमा

शुक्रबार, फागुन ५, २०७९ बागेश्वरी पोस्ट

नेपालगन्ज। भारतीय सेनाका चार पूर्व प्रमुख काठमाडौं आइपुगेका छन् ।

नेपाली सेनाको स्थापना दिवस समारोहमा भाग लिन काठमाडौं आउनेमा पुर्व सेना प्रमुखहरु विश्वनाथ शर्मा, जोगिन्दर जसवन्त सिंह, दीपक कपुर र दलवीरसिंह सुहाग छन् ।

नेपाली सेनाले भारतीय वर्तमान सेना प्रमुखसहित १२ जनालाई समारोहमा भाग लिन निम्ता पठाएको थियो । त्यसमध्ये पूर्वप्रमुख मनोजमुकुन्द नरवाने भने शनिबार आउने बताइएको छ ।

राष्ट्रपति विद्यादेवी भण्डारीको उपस्थितिमा सैनिक मञ्च टुँडिखेलमा शनिबार आयोजना हुने सेना दिवस मुख्य समारोहमा भारतीय सेनाका पूर्व प्रमुखहरूले भाग लिनेछन् । त्यसअघि शनिबार बिहान छाउनीस्थित वीर स्मारकमा आयोजना हुने कार्यक्रममा उनीहरू सहभागी हुने सैनिक प्रवक्ता कृष्णप्रसाद भण्डारीले जानकारी दिए ।

सैनिक मुख्यालय जंगी अड्डामा यही फागुन ७ गते प्रधानसेनापति प्रभुराम शर्मासहित समकक्षीसँग उनीहरूको भेटघाट र छलफल हुनेछ । महाशिवरात्रि तथा सेना दिवसका अवसरमा सोही दिन साँझ जंगी अड्डामा आयोजना हुने सांस्कृतिक कार्यक्रममा भारतीय सेनाका पूर्व प्रमुखहरूको सहभागिता रहनेछ ।

नेपाल र भारतबीच एकअर्का देशका सेना प्रमुखलाई मानार्थ महारथीको दर्ज्यानी चिन्ह प्रदान गर्ने परम्परा छ । नेपाली सेनाले यस वर्ष २६० औं स्थापना दिवस मनाउँदैछ। रासस

प्रकाशित मिति: शुक्रबार, फागुन ५, २०७९ १२:३५