जानकीमा विपद जोखिम न्यूनीकरण सम्बन्धि दुई दिने तालिम

स्थानीय

गृहपृष्ठ
स्थानीय
जानकीमा विपद जोखिम न्यूनीकरण सम्बन्धि दुई दिने तालिम

जानकीमा विपद जोखिम न्यूनीकरण सम्बन्धि दुई दिने तालिम

शनिबार, फागुन ६, २०७९ बागेश्वरी पोस्ट

नेपालगञ्ज । बाँकेको जानकी गाउँपालिकाले वातावरण तथा विपद जोखिम न्यूनीकरण सम्बन्धि दुई दिने तालिम सुरु गरेको छ । वातावरण तथा विपद व्यवस्थापन शाखाको आयोजनामा वातावरण तथा विपद जोखिम न्यूनीकरण सम्बन्धि दुई दिने तालिम आजदेखि सुरु भएको हो ।

No description available.

तालिमको वातावरण तथा विपद व्यवस्थापन समितिका संयोजक राजेन्द्र सिंहले व्यानर वाचन गरेर शुभारम्भ गरेका हुन् । संयोजक सिंहले तालिमबाट विपदसंग जुध्न कसरी प्रतिकार्य योजनाहरु बनाउने, के कसरी कार्य गर्दा प्रत्येक वडामा प्रभावकारी लाभ दिन सकिन्छ र विपदबाट जोगाउन सकिन्छ भन्ने विषयहरुमा गहन छलफल हुने विश्वास ब्यक्त गरे । सिंहले पालिकाको क्षेत्रभित्र धेरै उद्योग कलकारखानाहरु रहेको र त्यसबाट वातावरण विग्रिरहेको भन्दै ध्यान दिन जरुरी रहेको बताए । उनले वातावरणलाई प्रदुषणरहित बनाउन पालिकाका सम्पूर्ण जनप्रतिनिधि र कर्मचारीहरु समेत लाग्नुपर्ने बताए ।

पालिकाका अध्यक्ष छब्बन खाँले विपदका क्षेत्रमा सुरु गरिएको काममा वडा नम्बर १ ले जस्तै अरु वडाले पनि त्यस्तै खालको तथ्यांक दिएको भए पालिकामा विपदबाट हुने जोखिम न्यूनीकरण गर्न समस्या नआउने बताएका थिए । उनले भने- "सकेसम्म विपद नआएको राम्रो, कदाचित जब विपद आउँछ त्यतिवेला अध्यक्ष, उपाध्यक्ष, वडा अध्यक्ष र सदस्यहरुको जिम्मेवारी हुनुपर्छ ।" विपद आएको समयमा अनुगमन गरेर वास्तविक पीडितले राहत पाउनुपर्ने अध्यक्ष खाँले बताए । विपदको समयमा कसैले पनि यो मेरो मान्छे, त्यो मेरो पार्टीको मान्छे भनेर तथ्यांक पेश नगर्न समेत अध्यक्ष खाँले सबै वडा अध्यक्ष र सदस्यहरुलाई निर्देशन दिएका छन् ।

कार्यक्रममा उपाध्यक्ष रामप्यारी यादव, वडा नम्बर १ देखि ६ का वडा अध्यक्षहरु, सदस्यहरु, वडाका सचिव लगायतको उपस्थिति रहेको थियो । कार्यक्रमको सञ्चालन वातावरण तथा विपद शाखाका प्रमुख राजेन्द्र वाजपेयीले गरेका थिए ।

No description available.