कोहलपुर व्यापार मेलामा प्रहरी सहायता कक्ष र स्वास्थ्य सहायता कक्ष स्थापना

स्थानीय

गृहपृष्ठ
स्थानीय
कोहलपुर व्यापार मेलामा प्रहरी सहायता कक्ष र स्वास्थ्य सहायता कक्ष स्थापना

कोहलपुर व्यापार मेलामा प्रहरी सहायता कक्ष र स्वास्थ्य सहायता कक्ष स्थापना

शनिबार, फागुन ६, २०७९ बागेश्वरी पोस्ट

कोहलपुर । कोहलपुरमा आयोजित व्यापार मेलामा प्रहरी सहायता कक्ष र स्वास्थ्य सहायता कक्ष स्थापना गरिएको छ ।

कोहलपुर नगर प्रहरीले इप्रका कोहलपुर र जिल्ला ट्राफिक कार्यालयसँगको सहकार्यमा प्रहरी सहायता कक्ष संचालनमा ल्याएको कोहलपुर नगर प्रहरी प्रमुख वीरबहादुर थापाले जानकारी दिए । मेलामा आउने नागरिकलाई सहज, सरल तथा सुरक्षित तरिकाले मेला अवलोकनमा सहायता पुर्‍याउने उद्देश्यले प्रहरी सहायता कक्ष संचालनमा ल्याइएको उनको भनाई छ ।

"मेला महोत्सवमा बालबालिका हराउने, चोरी तथा लुटपाट हुने, झैंझगडा हुने जोखिम बढी हुन्छ," नगर प्रहरी प्रमुख थापाले भने- "त्यस्तो समस्या नआवस् भन्ने हेतुले नेपाल प्रहरी र ट्राफिक प्रहरीसँग समन्वय गरेर प्रहरी सहायता कक्ष संचालनमा ल्याइएको हो ।" त्यस्तै दमकल पनि तयारी अवस्थामा राखिएको उनको भनाई छ ।

यस्तै कोहलपुर नगर स्वास्थ्य शाखाले पनि मेलामा स्वास्थ्य सहायता कक्ष संचालनमा ल्याएको छ । मेला अवलोकनका लागि आएका दर्शकहरुमा हुन सक्ने स्वास्थ्य जोखिमलाई मध्यनजर गर्दै स्वास्थ्य सहायता कक्ष संचालनमा ल्याइएको स्वास्थ्य शाखा प्रमुख अनिलसिंह ठकुरीले जानकारी दिए ।

No description available.

एम्बुलेन्ससहितको स्वास्थ्यकर्मीको टिमले प्राथमिक उपचार सेवा प्रबाह गर्नेछ । प्रहरी सहायता कक्ष र स्वास्थ्य सहायता कक्ष संयुक्तरुपमा संचालनमा रहेको छ । स्टल नम्बर १ र २ मा रहेको प्रहरी सहायता कक्ष र स्वास्थ्य सहायता कक्षले अन्य जनहितमा जारी सन्देशको पर्चा, अडियो तथा भिडियो पनि वितरण तथा प्रशारण गर्ने गरेको छ ।

प्रकाशित मिति: शनिबार, फागुन ६, २०७९ १८:१०

प्रतिक्रिया दिनुहोस्