त्रिभुवन अन्तर्राष्ट्रिय विमानस्थलको सर्भर डाउन हुँदा केही समय अन्तर्राष्ट्रिय उडान प्रभावित

समाचार

गृहपृष्ठ
समाचार
त्रिभुवन अन्तर्राष्ट्रिय विमानस्थलको सर्भर डाउन हुँदा केही समय अन्तर्राष्ट्रिय उडान प्रभावित

त्रिभुवन अन्तर्राष्ट्रिय विमानस्थलको सर्भर डाउन हुँदा केही समय अन्तर्राष्ट्रिय उडान प्रभावित

सोमबार, फागुन ८, २०७९ बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलको सर्भर डाउन हुँदा आज दिउँसो अनलाइनबाट काम हुन नसकेपछि सयौं यात्रु प्रभावित भएका छन् ।

विमानस्थल जस्तो महत्वपूर्ण अथवा संवेदनशील क्षेत्रमै यस्तो समस्या पहिलो पटक भने हैन ।अध्यागमनको सर्भर डाउन भएपछि प्रवेशाज्ञा र प्रस्थान अनुमति दिने कार्य केही घण्टा यतादेखि प्रभावित भएको हो । अध्यागमनको सबै प्रणाली कम्प्युटरराइज्ड भएकाले सर्भर नचले सेवा ठप्प हुन्छ । जसका कारण विमानहरु समयमै उड्न पाएनन् भने विमानस्थल आइपुगेका यात्रु र विमानहरु समस्यामा परेका थिए ।

केही दिनअघि मात्रै त्यहाँको सर्भर डाउन हुँदा लामो समय सेवा प्रभावित भएको थियो । आज भने इन्टरनेटमा समस्या आएर सेवा अवरुद्ध भएको हो ।

अध्यागमन विभागका सूचना अधिकारी कमलप्रसाद पाण्डेले इन्टरनेट नचलेपछि समस्या आएको र अहिले त्यो समाधान भइसकेको बताएका छन् । समस्याका कारण केहीबेर अन्तर्राष्ट्रिय उडान प्रभावित बनेपनि अहिले सुचारु भइसकेको छ ।

प्रकाशित मिति: सोमबार, फागुन ८, २०७९ १५:३५

प्रतिक्रिया दिनुहोस्