गोली लागेको अवस्थामा सुर्खेतमा प्रहरी जवान मृत भेटिए

सुरक्षा-अपराध

गृहपृष्ठ
सुरक्षा-अपराध
गोली लागेको अवस्थामा सुर्खेतमा प्रहरी जवान मृत भेटिए

गोली लागेको अवस्थामा सुर्खेतमा प्रहरी जवान मृत भेटिए

बिहीबार, फागुन ११, २०७९ बागेश्वरी पोस्ट

नेपालगन्ज । एक जना प्रहरी गोली लागेको अवस्थामा मृत भेटिएका छन् । सुर्खेतस्थित कर्णाली प्रदेश प्रहरी गणमा कार्यरत प्रहरी जवान कवीन्द्र विक गोली लागेको अवस्थामा मृत भेटिएको जिल्ला प्रहरी कार्यालय सुर्खेतले जानकारी दिएको छ ।

दार्चुला घर भइ हाल कर्णाली प्रदेश प्रहरी गण सुर्खेतमा कार्यरत प्रहरी जवान विक गएराति २ बजेर ५६ मिनेटमा कन्चटमा गोली लागेको अवस्थामा उनको शव फेला परेको हो ।

जिल्ला प्रहरी कार्यालय सुर्खेतका अनुसार भेटिएका प्रहरी जवान विकको शव पोस्टमर्टमका लागि कर्णाली प्रदेश अस्पतालमा राखिएको छ ।

जवान विकले आफैंलाई गोली हानेर आत्महत्या गरेको हुन सक्ने प्रहरीको प्रारम्भिक अनुमानमा देखिएको छ । घटनाबारे प्रहरीले अनुसन्धान सुरू गरेको जिल्ला प्रहरी कार्यालय सुर्खेतले जनाएको छ ।

प्रकाशित मिति: बिहीबार, फागुन ११, २०७९ ०८:५४