पत्रकार खत्रीलाई मातृ शोक, प्रेस युनियन लुम्बिनीद्वारा शोक ब्यक्त

स्थानीय

गृहपृष्ठ
स्थानीय
पत्रकार खत्रीलाई मातृ शोक, प्रेस युनियन लुम्बिनीद्वारा शोक ब्यक्त

पत्रकार खत्रीलाई मातृ शोक, प्रेस युनियन लुम्बिनीद्वारा शोक ब्यक्त

बिहीबार, फागुन ११, २०७९ बागेश्वरी पोस्ट

नेपालगञ्ज । बाँकेमा क्रियाशील पत्रकार खडकबहादुर खत्रीलाई मातृशोक परेको छ । नेपाल प्रेस युनियन बाँकेका साधारण सदस्य समेत रहेका खड्काकी आमा कौशिला खत्रीको ७४ वर्षको उमेरमा बुधबार बेलुका सवा ८ बजेतिर भेरी अस्पतालमा निधन भएको हो ।

परिवारका अनुसार उनी केही समयदेखि दम सम्बन्धि रोगको उपचार गराइरहेकी थिइन् । खत्रीको आज दिउँसो बाँकेको अगैयास्थित घाटमा अन्त्येष्टि गरिएको छ । बाँकेको राप्तीसोनारी गाउँपालिका वडा नम्बर–२ शमशेरगञ्ज निवासी मृतक खत्रीका ४ छोरा र ४ छोरी छन् । पत्रकार खत्री हाइवे पोष्ट पत्रिकाका प्रकाशक हुन् ।

यसैबीच नेपाल प्रेस युनियन लुम्बिनी प्रदेश समितिले आज एक शोक बक्तब्य निकालेर भावपूर्ण श्रद्धाञ्जली व्यक्त गरेको छ । महासचिव नवीन गिरीले आज शोक बक्तब्य जारी गर्दै दिवंगत आत्माका चीर शान्तिको कामना गर्दै शोकाकुल परिवारजनमा गहिरो समबेदना प्रकट गरेका छन् ।

यस्तै युनियन बाँकेका सचिव विजय मल्लले पनि एक शोक वक्तब्य जारी गर्दै दिवंगत आत्माको चीरशान्तिको कामना गर्दै भावपूर्ण श्रद्धाञ्जली ब्यक्त गर्नुका साथै शोक सन्तप्त परिवारजनप्रति धैर्यधारण गर्ने शक्ति मिलोस् भनी गहिरो समवेदना प्रकट गरेका छन् ।

प्रकाशित मिति: बिहीबार, फागुन ११, २०७९ २०:५८

प्रतिक्रिया दिनुहोस्