हिरासतमा राखिएका सैन्य अधिकारीलाई ३ दिनभित्र अदालतमा ल्याउन जंगी अड्डालाई सर्वोच्चको आदेश

सुरक्षा-अपराध

गृहपृष्ठ
सुरक्षा-अपराध
हिरासतमा राखिएका सैन्य अधिकारीलाई ३ दिनभित्र अदालतमा ल्याउन जंगी अड्डालाई सर्वोच्चको आदेश

हिरासतमा राखिएका सैन्य अधिकारीलाई ३ दिनभित्र अदालतमा ल्याउन जंगी अड्डालाई सर्वोच्चको आदेश

बुधबार, फागुन १७, २०७९ बागेश्वरी पोस्ट

नेपालगन्ज । नेपाली सेनाले हिरासतमा लिएका दुई जना वरिष्ठ सैन्य अधिकारीलाई अदालतमा उपस्थित गराउन सर्वोच्च अदालतले आदेश दिएको छ ।

सैनिक हिरासतमा रहेका कर्णेल महेन्द्रजंग शाह र लेफ्टिनेन्ट कुलदीप तिमिल्सिनालाई सैनिक प्रहरीले दुई दिन अघि आफ्नै हिरासतमा लिएको थियो ।

शाहकी पत्नी शोभा कार्कीले दिएको बन्दी प्रत्यक्षीकरण रिटमा सुनुवाई गर्दै सर्वोच्चका न्यायाधीश हरि फुँयालको एकल इजलासले तीन दिनभित्र उनीहरूलाई अदालतमा उपस्थित गराउन नेपाली सैनिकलाई आदेश दिएको हो ।

उनीहरूसँगै उनीहरूमाथि लगाइएका आरोपका सबै फाइलहरू ल्याउन पनि अदालतले आदेश दिएको छ ।

सेनाले उनीहरू दुवैलाई आर्थिक अनियमितताको आरोप लगाएको छ । तर, सर्वोच्चमा परेको रिट अनुसार उनीहरूमाथि ‘सैनिक विद्रोह’ को आरोप छ ।

यसअघि यस्तै एउटा आरोपमा सेनाका जनरल प्रेम शाहीलाई सेनाले दुई महिनादेखि हिरासतमा राखिरहेको छ । उनको बारेमा समेत सेनाले परिवारलाई कुनै जानकारी दिएको छैन ।

सैन्य स्रोतका अनुसार जनरल शाहीलाई सघाएको आरोपमा यी दुई अधिकृतहरूलाई पनि सेनाले हिरासतमा राखेको हो । सेतोपाटीबाट

प्रकाशित मिति: बुधबार, फागुन १७, २०७९ २२:५२

प्रतिक्रिया दिनुहोस्