सरसफाईका क्षेत्रमा काम गरिरहेका संघसंस्थाका बीचमा बैठक

स्थानीय

गृहपृष्ठ
स्थानीय
सरसफाईका क्षेत्रमा काम गरिरहेका संघसंस्थाका बीचमा बैठक

सरसफाईका क्षेत्रमा काम गरिरहेका संघसंस्थाका बीचमा बैठक

शुक्रबार, फागुन १९, २०७९ बागेश्वरी पोस्ट

नेपालगञ्ज । नेपालगञ्जमा आज परियोजना प्रगति समिक्षा बैठक सम्पन्न भएको छ । नेपालगञ्ज उपमहानगरपालिकाको आयोजना र गेरुवा ग्रामीण जागरण संघ तथा एसएनभीको सहयोगमा गरिएको परियोजना प्रगति समिक्षा बैठकमा उपमहानगरपालिकाभित्र सरसफाईका क्षेत्रमा काम गरिरहेका विभिन्न गैरसरकारी संघसंस्थाहरुबीचमा आपसी परिचय संगसंगै आफूहरुले गरेका काम र प्रगति तथा चुनौति र समस्याबारे विफ्रिंग गरेका थिए । आगामी दिनमा सरसफाईका क्षेत्रमा थप कसिलो सहकार्य गरेर अगाडि बढ्ने विषयमा पनि बैठकमा छलफल भएको छ ।

No description available.

नेपालगञ्ज उपमहानगरपालिका वातावरण तथा विपत समिति संयोजक समिरप्रताप सिंहको अध्यक्षतामा सम्पन्न बैठकमा वातावरण शाखा प्रमुख इन्जिनियर प्रकाश डिसीले नगरको सरसफाईलाई प्रभावकारी ढंगले अगाडि बढाउने विषयमा कुनै कसर बाँकी नराखेको बताउँदै विभिन्न संघसंस्थासंग सहकार्य गरेर काम गरिरहेको बताए । नेपालगञ्ज उपमहानगरपालिकाको एकल प्रयासमा मात्रै सबै काम सम्भव नहुने भन्दै सबैको सहकार्यमा जोड दिए । समिति संयोजक सिंहले सरसफाईका क्षेत्रमा नेपालगञ्ज उपमहानगरपालिकाले कुनै कम्प्रमाइज नगरेर विभिन्न संघसंस्थासंगको सहकार्य मोडेलमा अघि बढेको बताए ।

त्यसक्रममा बी-ग्रुपले सञ्चालन गरिरहेको पेशागत तथा वातावरणीय स्वास्थ्य सहयोग परियोजनाका बारेमा परियोजना संयोजक इन्द्रजित सुनारले प्रस्तुतिकरण गरेका थिए । त्यस्तै गेरुवा र एसएनभीले सञ्चालन गरेको स्वास्थ्य र विकासका लागि नगर सरसफाई तथा स्वच्छता परियोजनाका बारेमा परियोजना संयोजक गफ्फार अली बेहना शेषले विफ्रिंग गरेका थिए । बैठकमा वातावरण तथा विपत समिति सदस्यहरु, सरसफाईका क्षेत्रमा काम गरिरहेका विभिन्न गैरसरकारी संघसंस्थाका प्रतिनिधिहरु सहभागी थिए ।

No description available.