कोहलपुरका १५ जना व्यवसायी तथा उद्यमी महिलालाई सम्मान

स्थानीय

गृहपृष्ठ
स्थानीय
कोहलपुरका १५ जना व्यवसायी तथा उद्यमी महिलालाई सम्मान

कोहलपुरका १५ जना व्यवसायी तथा उद्यमी महिलालाई सम्मान

सोमबार, फागुन २२, २०७९ बागेश्वरी पोस्ट

कोहलपुर (बाँके) । कोहलपुर नगरपालिकाले ११३ औं अन्तर्राष्ट्रिय महिला दिवसको अवसरमा व्यवसायी तथा उद्यमी महिलालाई सम्मान गरेको छ ।

कोहलपुर नगरपालिका महिला बालबालिका तथा बालकल्याण उपशाखा मूल समारोह समितिको आयोजनामा भएको कार्यक्रममा १५ जनालाई सम्मानित गरिएको हो । सबै वडाबाट एक/एक जना व्यवसायीलाई सम्मान गरिएको बालबालिका तथा समाज कल्याण उपशाखाकी महिला विकास निरीक्षक घटना शाहले जानकारी दिइन् ।

No description available.

सम्मानित हुनेहरुमा वडा नम्बर १ बाट बिनिता बसन्ती तिरुवा, २ बाट बिनिता बिक, वडा नम्बर ४ बाट तुल्सी कुमारी कामी, ६ बाट हरिमाया वाग्ले, वडा नम्बर ७ बाट भिसरानी थारु, वडा नम्बर ९ बाट गीता कुमारी मल्ल चन्द, १० बाट धनसरी खत्री, ११ बाट जयारुपा चौलागाईं, वडा नम्बर १२ बाट पानसरा कामी, वडा नम्बर १३ बाट सरिता पुन मगर, वडा नम्बर १४ बाट सिर्जना थापा मगर र वडा नम्बर १५ बाट कलारानी थारु रहेका छन् । वडा नम्बर ३, ५ र ८ का व्यवसायी तथा उद्यमी महिलालाई भने पछि सम्मानित गरिने भएको छ । ती वडाले व्यवसायी तथा उद्यमी महिला सिफारिस नगरेका कारण आज सम्मानित गर्न नसकिएको हो ।

अपाङ्ता, एकल तथा जेष्ठ नागरिक भएपनि उनीहरुले ब्यबसायका माध्यमबाट जिबिकोपार्जन गर्दै आएका छन् । जिल्ला समन्वय समितिकी उपसंयोजक सीता कार्की, कोहलपुर नगरपालिकाकी नगर उपप्रमुख संगिता सुवेदी, नगरपालिकाका प्रमुख प्रशासकीय अधिकृत टिकाराम ढकाल, कार्यपालिका सदस्य अनिता बुढा, भुपबहादुर दर्जी, पबित्रा कुमारी थारु, वडा नम्बर १ का वडा अध्यक्ष बद्री जैसी लगायतले उनीहरुलाई सम्मान गरका हुन् ।

कार्यक्रममा बोल्दै जिल्ला समन्वय समितिकी उपसंयोजक सीता कार्कीले महिलाहरु ब्यबसायतर्फ उन्मुख हुँदै जानु सकारात्मक भएको बताइन् । उनले व्यवसायी तथा उद्यमी महिलालाई सम्मान गर्ने संस्कारले अरु महिलालाई पनि व्यवसायमा लाग्न प्रेरित गर्ने बताइन् ।

यस्तै नगर उपप्रमुख सुवेदीले महिला दिवसलाई कोहलपुर नगरपालिकाले सप्ताहव्यापी कार्यक्रम गरेर मनाइरहेको बताइन् । उनले महिलाहरु सशक्त हुने हो भने हिंसा न्यूनीकरणमा बल पुग्ने पनि बताइन् । महिलाहरु सशक्त हुनका लागि सबैभन्दा पहिला आत्मनिर्भर हुन जरुरी रहेको उनको भनाई छ । उनले त्यसका लागि कोहलपुर नगरपालिकाले सीपमूलक तालिमहरु दिने काम गर्दै आएको पनि सबैलाई जानकारी दिइन् ।

कार्यक्रममा प्रमुख प्रशासकीय अधिकृत ढकाल, सामाजिक विकास समितिका संयोजक ईश्वरी बिक लगायतले पनि बोलेका थिए ।

No description available.