नेपालगञ्ज-१२ मा जेष्ठ नागरिक मिलन केन्द्र भवनको शिलान्यास

स्थानीय

गृहपृष्ठ
स्थानीय
नेपालगञ्ज-१२ मा जेष्ठ नागरिक मिलन केन्द्र भवनको शिलान्यास

नेपालगञ्ज-१२ मा जेष्ठ नागरिक मिलन केन्द्र भवनको शिलान्यास

मंगलबार, फागुन २३, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १२ मा जेष्ठ नागरिक मिलन केन्द्र भवन बन्ने भएको छ । भवनको आज शिलान्यास गरिएको छ । पूर्व मन्त्री गजेन्द्रबहादुर हमाल र वडा नम्बर १२ को जेष्ठ नागरिक क्लबका अध्यक्ष अजितकुमार शर्माले जेष्ठ नागरिक मिलन केन्द्र भवनको शिलान्यास गरेका हुन् ।

No description available.

भवन वडा नम्बर १२ स्थित मरघटियामा बन्न लागेको हो । चालू आर्थिक बर्षको अन्त्यसम्ममा निर्माण सम्पन्न गर्ने गरी काम सुरु गरिएको वडा अध्यक्ष तरुणकुमार बज्राचार्यले बताए । लुम्बिनी प्रदेश सरकारबाट प्राप्त २० लाख बजेटमा भवन निर्माण गर्न लागिएको बज्राचार्यले जानकारी दिए । निवर्तमान प्रदेश सांसद सुरेन्द्रबहादुर हमालले उपलब्ध गराएको उक्त बजेटमा भवन बन्न लागेको हो । वडा अध्यक्ष बज्राचार्यले वडाका ६० बर्ष माथिका जेष्ठ नागरिकका लागि भेटघाट गर्ने थलोका रुपमा भवन बनाउन लागिएको बताए । उनका अनुसार हाल वडा नम्बर १२ मा करिब ६०० जना जेष्ठ नागरिक छन् ।

"जेष्ठ नागरिकका लागि भेटघाट गर्न निश्चित स्थान रहोस्, जीवनको उत्तरार्धमा समूहमा बसेर रमाइलो गर्ने, योगा गर्ने, भजनकिर्तन, दुःखसुखका कुरा गर्न सक्ने वातावरण बनोस् भन्ने उद्देश्यले भवन बनाउँदैछु, उनले भने । बज्राचार्यले उपभोक्ता समिति गठन गरेर काम अघि बढाइएको बताए । "जसको लागि भवन हो, उसले बनाउनुपर्दछ भन्ने मान्यताका साथ जेष्ठ नागरिक क्लबलाई नै उपभोक्ता समितिको जिम्मेवारी दिएका छौं, उनले भने ।

No description available.