नारी दिवसमा पाइलट भावना गिरीसँगै सबै महिला क्रु मेम्बरले गरे अन्तर्राष्ट्रिय उडान

समाचार

गृहपृष्ठ
समाचार
नारी दिवसमा पाइलट भावना गिरीसँगै सबै महिला क्रु मेम्बरले गरे अन्तर्राष्ट्रिय उडान

नारी दिवसमा पाइलट भावना गिरीसँगै सबै महिला क्रु मेम्बरले गरे अन्तर्राष्ट्रिय उडान

बुधबार, फागुन २४, २०७९ बागेश्वरी पोस्ट

बायाँबाट चौथोमा पाइलट भावना गिरी

नेपालगन्ज । नेपाल एयरलाइन्सका दुई महिला पाइलटले आज अन्तर्राष्ट्रिय उडान भरेका छन् । एयर बस ३२० जहाजकी पाइलट भावना गिरीसँगै को-पाइलट श्रृजना राउतको टोलीले आज बिहान यूएईबाट काठमाडौं उडान भरेका हुन् ।

यूएईबाट काठमाडौंका लागि आज बिहान ४ बजेर ५५ मिनेटमा उडान भरेको एयर बस ३२० जहाजका सबै क्रू मेम्बर महिला नै रहेको नेपाल एयरलाइन्सले जनाएको छ ।

उक्त जहाज आज बिहान ९ बजेर ५५ मिनेटमा त्रिभुवन अन्तर्राष्ट्रिय विमानस्थलमा अवतरण गरेको हो । पाइलट गिरीको कमाण्डको जहाजमा एयरहोस्टेसहरुमा बास्ना राना, पुरअन्जक महर्जन, संगीता केसी र अनिशा प्रजापति रहेका थिए ।

आज अन्तर्राष्ट्रिय नारी दिवसका अवसरमा नेपाल एयरलाइन्सले एउटा उडान सबै महिला क्रू मेम्बरबाट गराएको जनाएको छ । आज सम्मकै नेपालको इतिहासमा नेपालको अन्तर्राष्ट्रिय उडानमा सबै क्रू मेम्बर महिला रहेको पहिलो अन्तर्राष्ट्रिय उडान हो ।

त्रिभुवन अन्तर्राष्ट्रिय विमानस्थलमा जहाज अवतरण पश्चात् उक्त टोलीलाई त्रिभुवन विमानस्थलमै पुगेर संस्कृति, पर्यटन तथा नागरिक उड्डयनमन्त्री सुदन किरातीले स्वागत गरेका थिए ।

प्रकाशित मिति: बुधबार, फागुन २४, २०७९ ११:४३

प्रतिक्रिया दिनुहोस्