जानकी गाउँपालिकामा मनाइयो ११३औं अन्तर्राष्ट्रिय नारी दिवस

स्थानीय

गृहपृष्ठ
स्थानीय
जानकी गाउँपालिकामा मनाइयो ११३औं अन्तर्राष्ट्रिय नारी दिवस

जानकी गाउँपालिकामा मनाइयो ११३औं अन्तर्राष्ट्रिय नारी दिवस

बुधबार, फागुन २४, २०७९ बागेश्वरी पोस्ट

जानकी (बाँके) । बाँकेको जानकी गाउँपालिकाले पनि आज ११३औं अन्तर्राष्ट्रिय नारी दिवस मनाएको छ । "लैङ्गिक समानताको बलियो आधार सिर्जनात्मक प्रविधिमा महिला पहुँचको विस्तार" भन्ने मूल नाराका साथ ११३औं अन्तर्राष्ट्रिय नारी दिवस मनाइएको हो ।

No description available.

कार्यक्रमको अध्यक्षता गरेकी पालिकाकी उपाध्यक्ष रामप्यारी यादवले नारीमाथि पहिलेदेखि नै विभेद हुँदै आएको भन्दै आफू पनि थुप्रै विभेदहरु भोगेर यो ठाउँसम्म आइपुगेको बताइन् । उनले आफ्नो अनुभव सुनाउँदै भनिन्, "२०७४ मा जब निर्वाचन लडेँ त्यसपछि मात्रै बाहिर निक्लिन पाएकी हुँ, हाम्रो समुदायमा त महिलालाई अझ बढी विभेद गरिन्छ ।" उनले नारी पुरुष समान भनिएपनि जताजतै विभेद र हिंसा व्यापक रहेको चर्चा गरिन् । आफ्नै गाउँपालिकामा समेत आफूले विभेद भोगेको र देखेको उनको भनाई छ । कागजमा र भनाईमा मात्र समानताको कुरा गरेर नहुने भन्दै उनले व्यवहारमै परिवर्तन देखिनुपर्नेमा जोड दिइन् ।

No description available.

कार्यक्रममा गाउँपालिकाका अध्यक्ष छब्बन खाँ, प्रमुख प्रशासकीय अधिकृत सिंहराज डाँगी, वडा अध्यक्ष जगदिश प्रसाद हरिजन, कार्यपालिका सदस्यहरु, पालिकाका कर्मचरीहरु र महिलाहरुको उपस्थिति रहेको थियो । १ देखि ६ नम्वर वडाका महिलाहरुले र्याली समेत निकालेका थिए । महिला बालबालिका शाखाकी प्रमुख कल्पना गाहाले पनि धारणा राखेकी थिइन् । कार्यक्रम अघि 'नारी हुन्छ त परिवार हुन्छ सुन्दर जीवनको आधार हुन्छ', 'हिंसा सहनु पाप हो', 'बालबालिकालाई गरौं मान यसले बढ्छ देशको शान' जस्ता प्लेकार्डसहित र्याली निकालिएको थियो ।

No description available.

जानकी गाउँपालिकाको आयोजनामा भएको कार्यक्रममा मिलाप संस्था, त्रिवेणी विकास समाज, नारी एकता महिला वचत तथा ऋण सहकारी संस्था लिमिटेड र अन्तर्राष्ट्रिय नेपाल फेलोसिपले समन्वय गरेका थिए ।

प्रकाशित मिति: बुधबार, फागुन २४, २०७९ १८:३९

प्रतिक्रिया दिनुहोस्