भृकुटीमण्डप जग्गा भाडा प्रकरणमा पूर्व मन्त्रीलाई ९ बर्ष कैद

सुरक्षा-अपराध

गृहपृष्ठ
सुरक्षा-अपराध
भृकुटीमण्डप जग्गा भाडा प्रकरणमा पूर्व मन्त्रीलाई ९ बर्ष कैद

भृकुटीमण्डप जग्गा भाडा प्रकरणमा पूर्व मन्त्रीलाई ९ बर्ष कैद

गुरुङलाई १ करोड २१ लाख रुपैयाँ बढी जरिवाना

शुक्रबार, फागुन २६, २०७९ बागेश्वरी पोस्ट

नेपालगन्ज । भृकुटीमण्डप जग्गा भाडा प्रकरणमा पूर्व मन्त्री बद्रीप्रसाद न्यौपानेसहित सात जनालाई विशेष अदालतले कैद र जरिवाना हुने ठहर गरेको छ ।

विशेष अदालतले यही गएको फागुन १६ गते भृकुटीमण्डपको जग्गामा भ्रष्टाचार भएको ठहर गरेको थियो । त्यस प्रकरणका दोषीलाई बिहीबार सजाय निर्धारण भएको हो ।

भृकुटीमण्डपको जग्गा भाडा प्रकरणमा समाज कल्याण परिषद्लाई रू. २० करोड भन्दा बढी भ्रष्टाचार गरेको ठहर अदालतले गरेको छ । अदालतका उपरजिस्ट्रार नारदप्रसाद भट्टराईका अनुसार पूर्व मन्त्री न्यौपानेलाई नौ वर्ष कैद र रू. दुई करोड ४३ लाख ६८ हजार आठ सय तीन जरिवाना, रू. दुई करोड ४३ लाख ६८ हजार आठ सय तीन बिगो र थप छ महिना कैद सजाय निर्धारण भएको छ ।

सांसद टेकबहादुर गुरुङलाई मतियार ठहर गर्दै रू. एक करोड २१ लाख, ८४ हजार चार सय एक जरिवानाको सजाय निर्धारण भएको छ । सातै जनालाई रू. दुई करोड ४३ लाख ६८ हजार आठ सय तीन जरिवाना, रू. दुई करोड ४३ लाख ६८ हजार आठ सय तीन बिगो तोकिएको भए पनि फरक फरक कैद सजाय तोकिएको छ ।

प्रमोद मेहतालाई आठ वर्ष छ महिना कैद, हरिप्रसाद न्यौपानेलाई आठ वर्ष कैद, नुमराज शर्मालाई आठ वर्ष कैद, मदनकुमार लाल कर्णलाई आठ वर्ष कैद र रवीन्द्रकुमार यादवलाई आठ वर्ष छ महिना कैद रहेको छ । कुञ्जबिहारीप्रसाद चौधरीलाई कैद छैन ।

प्रकाशित मिति: शुक्रबार, फागुन २६, २०७९ ०९:१२

प्रतिक्रिया दिनुहोस्