बालाजु घटनाका डीएसपी रविन विष्टको ३ वर्ष बढुवा रोक्का

सुरक्षा-अपराध

गृहपृष्ठ
सुरक्षा-अपराध
बालाजु घटनाका डीएसपी रविन विष्टको ३ वर्ष बढुवा रोक्का

बालाजु घटनाका डीएसपी रविन विष्टको ३ वर्ष बढुवा रोक्का

शुक्रबार, चैत ३, २०७९ बागेश्वरी पोस्ट

नेपालगन्ज । बालाजु घटना हुँदा प्रहरी वृत्तका बालाजुका तत्कालीन प्रमुख डीएसपी रविन विष्टको ३ वर्ष बढुवा रोक्का भएको छ ।

गत फागुन १ मा बालाजुको माछापोखरी र बसपार्कमा यातायात मजदुरको प्रदर्शनका क्रममा जिम्मेवारी वहन गर्न नसक्दा ठुलो क्षती भएको निष्कर्षसहित डीएसपी विष्टलाई कारबाही स्वरुप ३ वर्ष बढुवा रोक्का गर्ने निर्णय गरिएको प्रहरी प्रधान कार्यालय नक्सालले जानकारी दिएको छ ।

बालाजु घटनापछि काठमाडौं उपत्यका प्रहरी कार्यालय रानीपोखरीले डिआइजी मसाउद आलम खाँको नेतृत्वमा गठन भएको छानबिन समितिले बालाजुका डीएसपी विष्ट र सोह्रखुट्टे प्रहरी वृत्तका डीएसपी गणेशबहादुर बमलाई कारबाही गर्नका लागि प्रहरी प्रधान कार्यालयलाई सिफारिस गरेको थियो ।

डीएसपी विष्टको कमजोरीका कारण प्रहरी वृत्त बालाजुको डीएसपी चढ्ने बा २ झ १४४ नम्बरको गाडी र बा १ झ ७२२४ नम्बरको अर्को गाडीमा तोडफोड गरी जलाएर ठुलो घटना हुन पुगेको निष्कर्षसहित कारबाही सिफारिसका आधारमा प्रहरी प्रधान कार्यालयले ३ वर्ष बढुवा रोक्का र प्रहरी वृत्त सोह्रखुट्टेका डिएसपी बमलाई भने सचेत गराएको हो ।

उक्त घटनामा डीएसपी विष्टको कमजोरीले गर्दा बालाजुको अस्थायी प्रहरी बिट जलाईनुका साथै ट्राफिक आइल्यान्डमा र बसपार्कको ल्होत्से मलमा पनि तोडफोड भएको थियो । ल्होत्से मलको एसिडिसी र डाइमण्ड मोबाइल पसलका करोडौं रुपैयाँका मोबाइल लुटपाट भएको थियो । सो घटनापछि डीएसपी विष्टलाई जिम्मेवारीबाट हटाइएको थियो ।