सडक खाली नगराई बसन्तपुर पुगे राष्ट्रपति पौडेल

समाचार

गृहपृष्ठ
समाचार
सडक खाली नगराई बसन्तपुर पुगे राष्ट्रपति पौडेल

सडक खाली नगराई बसन्तपुर पुगे राष्ट्रपति पौडेल

राष्ट्रपतिले अपनाए नागरिकमैत्री नीति

शनिबार, चैत ४, २०७९ बागेश्वरी पोस्ट

नेपालगन्ज । राष्ट्रपति रामचन्द्र पौडेल आज काठमाडौं बसन्तपुरस्थित कुमारी घर जाँदा सडक खाली नगराई गएका छन् । सडक खाली नहुँदा सर्वसाधारण कसैले सास्ती पाएनन् ।

राष्ट्रपति त्यहाँ जाँदा सर्वसाधारणले सडकमा सवारी साधन चलाइरहेका थिए भने पैदलयात्रुलाई पनि रोकिएको थिएन । पौडेलले सवारी गरेसँगै उनले यसअघिको परम्परालाई तोडेका छन् । राष्ट्रपति पौडेलले नागरिकमैत्री नीति अपाउँदा सर्वसाधारण समेत खुशी भएका थिए ।

राष्ट्रपतिको सवारी हुँदा यसअघि सर्वसाधारणलाई रोक्ने गरिन्थ्यो । जसले गर्दा सडक जाम हुँदा आलोचना हुने गरेको थियो ।

कुमारीको दर्शनपछि राष्ट्रपति पौडेलले प्रसाद ग्रहण गर्नुका साथै कुमारी घरमा चियापान गरेर फर्केका थिए । राष्ट्रपति पौडेलले पहिलोपल्ट कुमारी घरमा चिया पिएका थिए । यसअघि राष्ट्र प्रमुखले कुमारी घरमा चिया पिउने चलन थिएन ।

राष्ट्रपति पौडेलले आफू निर्वाचित हुनुअघि नै सवारी जाम नगर्ने बताएका थिए । यसअघि राष्ट्रपतिको सवारी हुँदा घण्टौंसम्म सडक खाली गराइने गरेकोमा सर्वसाधारणले सास्ती बेहोर्दै आएका थिए ।

प्रकाशित मिति: शनिबार, चैत ४, २०७९ २१:४७

प्रतिक्रिया दिनुहोस्