जानकीमा रक्तदान, ५२ जनाले रगत दिए

स्थानीय

गृहपृष्ठ
स्थानीय
जानकीमा रक्तदान, ५२ जनाले रगत दिए

जानकीमा रक्तदान, ५२ जनाले रगत दिए

मंगलबार, चैत ७, २०७९ बागेश्वरी पोस्ट

जानकी (बाँके) । मिलाप संस्थाको आयोजना र जानकी गाउँपालिकाको समन्वयमा आज रक्तदान कार्यक्रम गरिएको छ । जानकी गाउँपालिकाको कार्यालयमा भएको रक्तदान कार्यक्रममा १५ जना महिला र ३७ जना पुरुष गरी ५२ जनाले रगत दिएका छन् ।

जानकी गाउँपालिकाकाका अध्यक्ष छब्बन खाँ, कार्यपालिका सदस्यहरु, कर्मचारीहरु लगायतले रगत दिएका थिए । रक्तदान कार्यक्रममा बोल्दै पालिकाका अध्यक्ष खाँले रक्तदान गर्नु ठूलो धर्म र पूण्य कर्म भएको बताए । उनले रगत अभावमा विरामीहरुले ज्यान गुमाउनु नपरोस् भन्ने उद्देश्य राखेर रक्तदान कार्यक्रम गरेको बताए ।

रक्तदान कार्यक्रममा गाउँपालिकाका अध्यक्ष खाँ, प्रमुख प्रशासकीय अधिकृत सिंहराज डाँगी, वडा अध्यक्ष मोहम्मद रजा राई, कार्यपालिका सदस्यहरु, अध्यक्षका स्वकीय सचिब शोहराव अलि दर्जी, कर्मचारीहरु, मिलाप संस्थाका अध्यक्ष रमेशराज रेग्मी, कार्यकारी निर्देशक राजेन्द्रवहादुर सुनार, कार्यक्रम अधिकृत प्रेमा रोका समेतको उपस्थिति रहेको थियो ।

प्रकाशित मिति: मंगलबार, चैत ७, २०७९ १६:४९

प्रतिक्रिया दिनुहोस्