डुडुवामा वार्षिक परीक्षाको अनुगमन

स्थानीय

गृहपृष्ठ
स्थानीय
डुडुवामा वार्षिक परीक्षाको अनुगमन

डुडुवामा वार्षिक परीक्षाको अनुगमन

मंगलबार, चैत ७, २०७९ बागेश्वरी पोस्ट

डुडुवा (बाँके) । बाँके डुडुवा गाउँपालिकास्तरीय वार्षिक परीक्षा सञ्चालन भइरहेको छ । २०७९ सालको वार्षिक परीक्षा चैत २ गतेदेखि शुरु भएको डुडुवा गाउँपालिका शिक्षा शाखा प्र्रमुख सञ्जय कुमार कर्णले बताए । उनका अनुसार परीक्षामा कक्षा १ देखि ९ कक्षासम्मका करिब दुई हजार भन्दा बढी विद्यार्थीहरु सामेल भएका छन् ।

डुडुवामा सामुदायिक विद्यालय १६ वटा, मदरसा १७ वटा, गुरुकुल १ वटा र निजी विद्यालय ९ वटा रहेका छन् । कक्षा ८ को बोर्ड परीक्षाको अनुगमन समेत गरिएको छ । डुडुवा गाउँपालिकाका उपाध्यक्ष शाहिदा बानो, शिक्षा शाखा प्रमुख कर्ण लगायतको टोलीले परीक्षा सञ्चालन भइरहेका विद्यालयको अनुगमन गरिरहेका छन् ।

आज डुडुवा ५ डलैपुर विद्यालयमा सञ्चालित परीक्षाको अनुगमन गर्दै पालिकाका उपाध्यक्ष बानोले सबै विद्यालयमा मर्यादितरुपमा शान्तिपूर्वक परीक्षा भइरहेको बताइन् । चैत १० गतेसम्म सञ्चालन हुने परीक्षा विहान ८ बजेदेखि शुरु हुने शिक्षा शाखाले जनाएको छ ।

प्रकाशित मिति: मंगलबार, चैत ७, २०७९ २०:४६

प्रतिक्रिया दिनुहोस्