पवित्र महिना रमदानको अवसरमा अध्यक्ष शाहद्वारा शुभकामना व्यक्त

स्थानीय

गृहपृष्ठ
स्थानीय
पवित्र महिना रमदानको अवसरमा अध्यक्ष शाहद्वारा शुभकामना व्यक्त

पवित्र महिना रमदानको अवसरमा अध्यक्ष शाहद्वारा शुभकामना व्यक्त

शुक्रबार, चैत १०, २०७९ बागेश्वरी पोस्ट

नरैनापुर (बाँके) । नरैनापुर गाउँपालिकाका अध्यक्ष इश्तियाक अहमद शाहले इस्लाम धर्मावलम्बीहरुको पवित्र महिना रमदानले विविध धर्म र संस्कृति अँगाल्ने नेपालका सबैमा सौहार्दता र राष्ट्रिय एकताको भावना अझै मजबुत बनाउन प्रेरित गरोस् भन्ने कामना दिएका छन् । शुभकामना दिँदै अध्यक्ष शाहले पवित्र महिना रमदानको अगमनसँगै शान्ति र भाइचाराको सन्देश प्रवाह गर्दै यस पर्वका अवसरमा विश्वभरका इस्लाम धर्मावलम्बीलाई ‘रमदान मुवारक’ भन्दै शुभकामना व्यक्त गरेका छन् ।

इस्लामिक क्यालेण्डर अनुसार रमदानको एक महिनाभरि भोक र तिर्खा बिर्सेर इन्द्रियहरूलाई क्रोध र स्वार्थजस्ता अवगुणबाट टाढा राखी मानव जातिका लागि आदर्श जीवनयापनको अभ्यास गर्ने अवधिका रुपमा ग्रहण गरिएको अध्यक्ष शाहले बताए । अध्यक्ष शाहले देशमा इस्लाम धर्मावलम्बीको धार्मिक स्वतन्त्रता, हकअधिकारलाई सुव्यवस्थित एवं सुनिश्चित गर्न राज्य गम्भीर बन्न जरुरी रहेको उल्लेख गरेका छन् ।

यसैगरी मानव अधिकार संरक्षण तथा प्रवद्र्धन केन्द्रका केन्द्रीय अध्यक्ष एंव मुस्लिम पत्रकार क्लबका अध्यक्ष आलम खानले रमदान महिनाले सबै समुदायका नेपालीबीच राष्ट्रिय एकता, सहिष्णुता र सद्भाव कायम गरी समृद्ध र विकसित समाज निर्माण गर्न प्रेरणा प्रदान गर्ने भन्दै शुभकामना व्यक्त गरेका छन् ।

प्रकाशित मिति: शुक्रबार, चैत १०, २०७९ १२:१६

प्रतिक्रिया दिनुहोस्