प्रधानमन्त्री प्रचण्डविरुद्ध नाराबाजी गर्ने ३ जना कारागार चलान

सुरक्षा-अपराध

गृहपृष्ठ
सुरक्षा-अपराध
प्रधानमन्त्री प्रचण्डविरुद्ध नाराबाजी गर्ने ३ जना कारागार चलान

प्रधानमन्त्री प्रचण्डविरुद्ध नाराबाजी गर्ने ३ जना कारागार चलान

सोमबार, चैत १३, २०७९ बागेश्वरी पोस्ट

फाइल फोटो

नेपालगन्ज । गत मंगलबार प्रधानमन्त्री पुष्पकमल दाहाल प्रचण्डविरूद्ध बानेश्वरको एक कार्यक्रममा नाराबाजी गर्ने ३ जना जेल चलान भएका छन् ।

आइतबार जिल्ला प्रशासन कार्यालय काठमाडौंले अभद्र व्यवहारको कसुरमा ५ हजार रुपैयाँ धरौटीमा रिहा हुन आदेश दिएपनि सोलुखुम्बुका २३ वर्षका उद्धव बस्नेत, बागलुङका ३० वर्षका सोम शर्मा र बझाङका १८ वर्षका विप्लव खड्काले धरौटी नबुझाएपछि केन्द्रीय कारागार चलान गरिएका हुन् ।

जिल्ला प्रहरी परिसर काठमाडौंले उनीहरुले धरौटी नबुझाएका कारण जेल चलान भएको पुष्टि गरेको छ ।

गत मंगलबार बानेश्वरमा प्रधानमन्त्री सहभागी एक कार्यक्रममा उनीहरूले नाराबाजी गर्दै गर्दा प्रहरीले मुख थुनेर हिरासतमा लिएको थियो । प्रहरीले जबर्जस्ती उनीहरुको मुख थुनेको विषयलाई लिएर कडा आलोचना भएको थियो ।

प्रकाशित मिति: सोमबार, चैत १३, २०७९ १४:४२

प्रतिक्रिया दिनुहोस्