जानकीमा 'लैंगिक समानता तथा सामाजिक समावेशीकरण परीक्षण' अभिमुखीकरण

स्थानीय

गृहपृष्ठ
स्थानीय
जानकीमा 'लैंगिक समानता तथा सामाजिक समावेशीकरण परीक्षण' अभिमुखीकरण

जानकीमा 'लैंगिक समानता तथा सामाजिक समावेशीकरण परीक्षण' अभिमुखीकरण

सोमबार, चैत १३, २०७९ बागेश्वरी पोस्ट

नेपालगन्ज । बाँकेको जानकी गाउँपालिकाको लैंगिक समानता तथा सामाजिक समावेशीकरण परीक्षण सम्बन्धि एक दिने अभिमुखीकरण कार्यक्रम आज सम्पन्न भएको छ ।

कार्यक्रममा गाउँपालिका अन्तर्गत गरिने १०० वटा सूचकमा छलफल गरिएको थियो । कार्यक्रम प्रदेश सुशासन केन्द्र लुम्विनी प्रदेश नेपालगन्ज बाँकेको आयोजना तथा सूचना र मानव अधिकार अनुसन्धान केन्द्रको सहजीकरणमा भएको हो । गाउँपालिकाकी महिला बालबालिका शाखा प्रमुख कल्पना गाहाले लैंगिक समानता तथा सामाजिक समावेशीकरण परीक्षण गाउँपालिकाले नै गर्नुपर्नेमा प्रदेशले गरिरहेको बताइन् । उनले पालिकालाई कसरी अगाडि बढाउने, वजेट कार्यान्वयनलाई कसरी प्रभावकारी बनाउने भन्ने विषयमा सूचना र मानव अधिकार अनुसन्धान केन्द्रले सहयोग गरिरहेको बताइन् । गाहाले पालिकाका जनप्रतिनिघि, कर्मचारी लगायत सहजीकरण गर्ने संघसंस्थाहरु सबैको सक्रिय भूमिका रहेमा मात्र पालिकामा राम्रो नतिजा निकाल्न सकिने उल्लेख गरिन् ।

सूचना र मानव अधिकार अनुसन्धान केन्द्रका कार्यक्रम व्यवस्थापक रविन्द्रकुमार ज्ञवालीले लुम्विनी प्रदेशका १०९ वटै स्थानीय तहमा विभिन्न कार्यक्रम लगायत लैंगिक समानता तथा सामाजिक समावेशीकरणको अवस्थासंगै पालिकाहरुले आत्मसाथ गरेका वा पालिकाबाट समग्ररुपमा भइरहेका कामहरुमा लैंगिक समानता तथा सामाजिक समावेशीकरणको परीक्षण गरिने बताए ।

कार्यक्रममा जानकी गाउँपालिकाकी उपाध्यक्ष रामप्यारी यादव, लेखा शाखाका प्रमुख मतिन अहमद अन्सारी, १ नम्वर वडाका वडा अध्यक्ष मो. रजा राई, २ नम्वर वडाका वडा अध्यक्ष चन्द्रिका प्रसाद गुप्ता, ३ नम्वर वडाका वडा अध्यक्ष राजकुमार कुर्मी, ६ नम्वर वडाका वडा अध्यक्ष जगदिश प्रसाद हरिजन, सामाजिक विकास समितिका संयोजक रामआँचल धोवी , विपद व्यवस्थापन समितिका संयोजक राजेन्द्र सिँह , अध्यक्ष र उपाध्यक्षका स्वकिय सचिबहरु शेहराव अलि दर्जी र शिवा यादव, कार्यपालिकका सदस्यहरु, पालिकका शिक्षा शाखाकी प्रमुख कृष्ण कुमारी भण्डारी, योजना शाखाकी प्रमुख शोभा पौडेल, सूचना प्रविधि अधिकृत विकास जिसी लगायतको उपस्थिति रहेको थियो ।

प्रकाशित मिति: सोमबार, चैत १३, २०७९ १८:०७

प्रतिक्रिया दिनुहोस्